Charter Document - 03251064

Hec est conventio facta inter magistrum Thomam decanum et capitulum Cycestr ex una parte et Anketillum priorem et conventum de Boxgrave ex altera videlicet quod dicti prior et conventus pro se et successoribus suis fideliter se obligaverunt solvere coram capitulo Cycestr annuatim et in perpetuum capellano qui pro tempore ministrabit pro defunctis ad altare sancte Marie in maiori ecclesia Cycestr quinque marcas sterlingorum ad quatuor anni terminos videlicet ad festum sancti Michaelis xvi solidos et viii denarios ad Natale domini xvi solidos et viii denarios ad Pascha xvi solidos et viii denarios ad festum sancti Iohannis Baptiste xvi solidos et viii denarios Solvent etiam decano et capitulo Cycestr unam marcam annuatim in duobus terminis scilicet in festo sancti Michaelis dimidiam marcam et ad Pasca dimidiam marcam Has vero vi marcas solvere tenentur dicti prior et conventus quia magister Thomas tunc decanus Cyc de bonis suis subministravit eisdem priori et conventui centum et x marcas quibus sibi emerunt magnas possessiones et utiles et necessarias domui de Boxgrava Ad hanc vero solutionem dictis terminis fideliter faciendam subiecerunt specialiter sepedicti prior et conventus iurisdictionem archidiaconi Cyc qui pro tempore fuerit quod nisi infra viii dies post terminos suprascriptos dicte pecunie facta fuerit solutio omni exceptione cavillatione appellatione et fori privilegio cessantibus liceat ipsi archidiacono ex tunc auctoritate sua et presentis conventionis iure dictos priorem et conventum per bona eorundem et districtionem quam viderit expedire tam in spiritualibus quam temporalibus cum debita satisfactione vel certe pene solutione ad predictorum solutionem si necesse fuerit compellere Et memorandum quod sponte renuntiaverunt omni iuris auxilio tam ecclesiastici quam laicalis siquid eis contra hanc conventionem posset competere Cum autem contigerit capellanum predictum in fata cedere vel alio modo in capellariam illam dimittere decanus et capitulum qui tunc temporis erint ordinabunt de capellano substituendo in predicto beneficio prout melius secundum deum viderint expedire Celebrabit autem prefatus capellanus ad altare beate Marie singulis diebus ora competenti pro defunctis Licebit tamen ex devotione si voluerit semel in ebdomada celebrare missam de sancta Trinitate vel de sancto spiritu et etiam in ebdomada semel de sancta Maria dum modo specialem orationem faciat in dictis missis pro anima Thome decani Tenebitur autem pro defunctis singulis diebus ad placebo et dirige vel in choro Cyc sicut ibi dicitur vel extra choro cum ix lectionibus Et licet proventus terrarum emptarum de predictis centum et x marcis estimatione bonorum virorum transcendent octo marcas annuatim ita tamen convenit quod solutis capellano predicto v marcis annuis et decano et capitulo Cycestr una marca annuatim residuum totum cedet in usum et utilitatem prioris et conventus predictorum ad faciendum apud Boxgrava anniversarium predicti Thome decani sollempniter Et ut hec conventio futuris temporibus perpetuam firmitatem optineat decanus et capitulum Cyc parti presentis scripti in modum cyrographi confecti quod videlicet penes priorem et conventum residebit sua sigilla et idem prior et conventus alteri parti cyrographi quod in secretario Cycestr reservabitur sua sigilla apposuerunt