[] decanus magister Erpho canonicus sancti Widonis Spirensis et Johannes quondam decanus sancti Widonis ibidem iudices ab E de Sultze archidiacono Argent[inensi] [] cantore maioris et [] preposito sancti Widonis ecclesiarum Spirensium iudicibus a sede apostolica delegatis sub delegati Presidentibus nobis in claustro Spirensi anno domini MCCLX sexto feria sexta post dominicam letare proposuit coram nobis procurator R de Guttingen sociorumque eius et per acta ostendit quod D cellerario Diperto canonico maioris ecclesie et E canonico sancte Trinitatis Spirensis iudicibus subdelegatis in causa appellationis que est inter dominos eius ex parte una et Wernherum de Rinekke ex altera procedentibus et adversario eius super processu sub delegatorum eorundem post dicta testium publicata super appellatione sua receptorum et termino ad procedendum ultra prefixo ad iudices delegatos appellante terminus feria VI post letare de consensu parcium ad cognoscendum de appellacione huiusmodi et aliis que ad causam pertinent prefixus estitit defensioni se offerens in causa procedi petivit Dictus autem Wernherus de Rinekke qui a sub delegatis ad delegatos appellaverat per litteras suas et nuncium ad hoc tantum missum petiit in causa non procedi et partes de novo citari eo quod adversarii eius sub sigillis duorum iudicum tantum fuerint evocati appellationis ab eo ad delegatos interposite intendens inpedire progressum Procurator vero R de Guttingen et sociorum eius asserens a partibus in terminum et in formam littere citacionis fore conventum et utramque partem unum par admodum actorum recepisse et insuper sigillum tercium littere sue postquam iudex de processu instructus exstitit appositum fore quod sigillum idem iudex nuncio alterius partis eum prevenienti de processu adhuc dubius et circumveniri metuens denegavit sicut ex litteris eiusdem iudicis coram nobis exhibitis aparuit evidenter Nos vero termino in feriam secundam proximam sequentem prorogato eodem die iudicio presidentes racionibus hinc inde propositis diligenter consideratis ad maiorem Processus nostri cautelam testes iuratos procuratoris R de Guttingen et sociorum eius super eo quod a procuratoribus parcium in terminum consensum exstiterit recepimus et ex dictis eorundem et testimoniis honestorum plurium invenientes in terminum a procuratoribus parcium conventum fore in negocio decrevimus procedendum non obstante appellatione dicti Wern ad sedem apostolicam interpositam quam frivolam reputamus Demum cum dies ex parte appellantis a sub delegatis ad delegatos indefensa foret parte appellata ius suum coram nobis prosequente et de iure suo plenius edocente perspecto processu cellerarii Spirensis et sociorum eius a quibus ad delegatos appellatum exstitit una cum racionibus habito iurisperitorum consilio interloquendo pronunciamus cellerarium et socios eius legitime processisse appellationem ab eodem cellerario et consociis eius ex parte Wernheri de Rinekke ad iudices delegatos interpositam minus legittimam fore iudicantes receptisque dictis testium publicatorum ex parte R de Guttingen et sociorum eius productorum super appellatione ab eis a custode Constantiensi officiali ibidem ad sedem apostolicam interposite una cum instrumentis et alium terminum prefigimus feriam quartam post Judica proximam sequentem ad inquirendum et pronunciandum si appellatio ad sedem apostolicam interposita et causa eius sufficienter probata sint et ad faciendum que decreverit ordo iuris Dat anno et feria secunda prescriptis