Charter Document - 00010101
Charter Number: 00010101
Cartulary Title: Early Charters of the Cathedral Church of St. Paul, London
Charter Language: Latin
Charter Origin: Religious
Charter Type(s): Grant
Date: 1237
Date Type: Internal, A.D., Feast
View Map
Cartulary Title: Early Charters of the Cathedral Church of St. Paul, London
Charter Language: Latin
Charter Origin: Religious
Charter Type(s): Grant
Date: 1237
Date Type: Internal, A.D., Feast
View Map
Charter:
Omnibus Christi fidelibus Adam diuina permissione dictus abbas monasterii Sancti Iohannis Colecestrie et eiusdem loci conuentus salutem in domino Nouerit uniuersitas uestra nos de communi consilio et assensu nostro concessisse dedisse et hac presenti carta nostra inperpetuum confirmasse ecclesie sancti Pauli Lond et Rogero dei gratia Lond episcopo et successoribus suis Lond episcopis omnibus et capitulo sancti Pauli Lond totum ius patronatus ecclesie de Takeleya et ecclesie de Brithlingeseye cum pensione sexaginta solidorum eis dimittenda a die illo quo magister Willelmus de Coletun rector nunc dicte ecclesie ipsam ut rector non habuit et totum patronatum ecclesie de Wyleyacum pensione decem solidorum ipsis dimittenda a die quo ille qui iste rector dicte ecclesie nunc dicitur illam ut rector non tenuerit et aduocationem medietatis ecclesie de Bocstede cum pensione duorum solidorum et aduocationem ecclesie de Ardleye saluis tamen nobis et successoribus nostris tresdecim marcis annuis pro nobis et uicario qui pro tempore fuerit percipiendis ad duos terminos ad festum sancti Michelis sex marcas et dimidiam ad pasca sex marcas et dimidiam et saluo nobis iure presentandi uicarium episcopo Lond ad uicariam dicte ecclesie de Ardleya taxatam ad summam decem marcarum preter portionem archidiaconi Colecestr et nostras tresdecim marcas annuas supradictas Ut igitur hec nostra concessio donatio et confirmatio perpetuum optineat robur firmitatis presens scriptum sigillorum nostrorum munimine duximus roborandum Hiis testibus domino Petro archidiacono Lond magistro Willelmo de Coletun Alano rectore ecclesie sancti Stephani de Walebroc Lond magistro Ricardo rectore ecclesie de Fratinges Nicholao decano de Colecestr Ricardo archidiacono dicti archidiaconi Lond Petro Iohanne clericis eius Petro seruiente suo et aliis Actum apud Colecestrie in capitulo sancti Iohannis anno gratie mccxxxvii in die sancti Siluestris
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
