utl logo
UTL Home | Ethiopia Images | Central and Inner Asia Studies

Charter Document - 00040417

Charter Number: 00040417
Cartulary Title: Early Charters of Waltham Abbey
Charter Language: Latin
Charter Origin: Religious
Charter Type(s): Agreement, Settlement
Date: 1219
Date Type: Assigned

map View Map
Charter:
Omnibus Christi fidelibus ad quos presens scriptum pervenerit de Rameseye et de Sancto Ivone priores et R[obertus] archidiaconus Huntingdon eternam in domino salutem Noverit universitas vestra quod cum controversia super iure patronatus ecclesie de Croxeby verteretur inter viros venerabiles abbatem et conventum de Waltham ex una parte et abbatem et conventum de Neuhus et Radulfum de Croxeby gerentis ius et vices heredum Radulfi de Lindeseia quo ad presentandum ad dictam ecclesiam ex altera de communi voluntate et assensu partium iuramento eciam eorumdem interveniente compromiserunt in nos et per penam si nostro non starent arbitrio se solempniter obligaverunt abbas videlicet et conventus de Waltham per centum abbas et conventus de Neuhus per sexaginta et Radulfus de Croxeby fungens ut dictum est vice heredum Radulfi de Lindeseya per quadraginta marcarum argenti Nos autem ad eorum instanciam et peticionem arbitrium super dicta controversia summaliter a nobis decidenda sub predicta forma suscipientes inspectis eorum instrumentis et iure singulorum cum ea qua potuimus et scivimus diligencia pro ut de iure oportuit pensato presentibus omnibus quos dicta controversia contingebat communicato eciam virorum prudentum et iuris peritorum consilio arbitrando diffinitive adiudicavimus ius patronatus dicte ecclesie de Croxeby pertinere ad abbatem et conventum de Waltham et tam abbati et conventui de Neuhus quam sepe dicto R[adulfo] cum predictis heredibus prenominati Radulfi de Lindeseya quia ipsi heredes contra cartam memorati R[adulfi] de Lindeseie predecessoris eorumdem super iure patronatus ecclesie de Croxeby dictis abbati et conventui de Waltham ab eodem R[adulfo] de Lindeseie concessam venire non potuerint perpetuum imposuimus silencium Attendentes eciam actionem competere abbati et conventui de Neuhus ad interesse suum consequendum ab heredibus R[adulfi] de Lindeseie ratione cuiusdam compositionis inter eos et eundem R[adulfum] inite non ut debuit observari Et ut hec omnia firmius perpetue memorie commendantur ea in scripturam sigillis nostris roboratam redigere curavimus Hiis testibus I priore et E decano Hunt Waltero filio Bernardi persona de Hotton Magistro Willelmo de Cunches Ricardo capellano Omnium Sanctorum de Hunt et multis aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter