Charter Document - 00050352

Omnibus Christi fidelibus ad quorum noticiam littere iste pervenerint Andreas Bucherel salutem in Domino Quam ea secura et Deo accepta est peregrinatio quam religiose viventium vota prosequ[u]ntur et commendant orationes iccirco noveritis me cum ad visitandum sepulcrum Domini Jerusalem essem profecturus dedisse et hac presenti carta mea confirmasse Deo et Beato Petro Westmonasterii et monachis ibidem Deo servientibus octo solidatas redditus in London in una terra de feudo suo quam emi et de eis pro duobus solidis annuatim tenui si me in hoc itinere decedere contigerit Dedi etiam et legavi et in testamentaria rerum mearum dispositione assignavi quindecim marcas ad quindecim solidatas reddituum emendas ut ex hiis viginti et tribus solidis anniversaria singulis annis et perpetuo tam mei quam meorum antecessorum sollempniter die obitus mei fiat memoria et exinde honesta conventui procuretur refectio Et hoc sciendum quod concessio ista sub tali firmitate concepta est ut licet ego rediero nulla posteriore voluntate retractetur quin semper eo modo eo tenore quo in hac carta descripta est post mortem meam firma et illibata perseveret Hiis testibus Roberto filio Brictrici Andrea fratre eiusdem Andrea Gaufrido Picot Magistro Samsone Ricardo clerico et Phillippo nepote abbatis Ricardo de Berking et Willelmo hostiario Henrico filio Levestoni Ricardo filio Reineri Henrico Albo civibus London Philippo presbitero et multis aliis Rogero filio Alani et Rogero Ganet