Charter Document - 00050370

Sciant presentes et futuri quod ego Ricardus filius Willelmi filii Reingeri concessi et dimisi et presenti carta mea confirmavi Willelmo filio Henrici filii Gerardi quandam domum meum lapideam quam Hugo de Stanning de me tenuit in parochia Sancte Margarete versus Pontem London que domus est in fronte capitalis managii mei versus orientem et quoddam cellarium meum lapideum quod est subter domum illam in eadem parochia quod scilicet Johannes filius Pagani de me tenuit scilicet quicquid in predicta domo et cellario habui in longitudine et latitudine in lignis et lapidibus et in rebus cuntis integre Habendam et tenendam dicto Willelmo et heredibus suis de me et heredibus meis in feudo et hereditate libere et quiete bene et in pace inperpetuum reddendo inde annuatim michi et heredibus meis pro omni servitio et exactione et rebus cuntis unam libram cimini infra octabis Pasche sine omni occasione Et sciendum est quod ego Ricardus et heredes mei nullo modo poterimus nec debemus predictum Willelmum nec heredes suos de predicta domo nec cellario dehospitari causa me vel heredes meos vel aliquem alium hominem vel feminam ibidem hospitandi nec amplius inde exigere nec habere nec clamare debemus inperpetuum quam predictam libram cimini per annum termino statuto Et ego Ricardus et heredes mei predictam domum et cellarium dicto Willelmo et heredibus suis contra omnes homines et feminas inperpetuum debemus warantizare et aquietare Pro hac igitur concessione dimissione warantizatione acquietatione et presentis carte mee confirmatione dictus Willelmus dedit michi Ricardo decem libras sterlingorum in gersummam