Charter Document - 00050384

Sciant presentes et futuri quod ego Athelicia filia Johannis Bocuinte quondam uxor Henrici Naget in viduitate mea et in ligia potestate mea concessi et dimisi et presenti carta mea confirmavi Jocelino filio Jocelini de Cornhull totam terram meam cum pertinentiis suis quam habui in parochia Sancti Michaelis de Cornhull inter terram quam Willelmus de Ponte Fracto tenuit de monialibus de Clerkenewell et terram Willelmi aurifabri filii Nicholai Preterea concessi et dimisi et hac presenti carta mea confirmavi eidem Jocelino totam terram meam cum omnibus pertinentiis suis que est inter terram Willelmi filii Nicholai prefati et terram Agnetis sororis Beati Thome martiris Quas videlicet terras cum pertinentiis suis predictus Johannes Bocuinte pater meus mihi dedit ac dimisit scilicet quicquid in hiis terris habui in longitudine et latitudine et in rebus cunctis Habendas et tenendas eidem Jocelino et heredibus suis vel quibuscumque illas dare vendere legare aut assignare voluerit et heredibus eorum de me et de heredibus meis finabiliter in feodo et hereditate libere quiete integre bene in pace reddendo inde annuatim mihi vel heredibus meis pro omni servicio et exaccione et rebus cunctis undecim solidos sterlingorum ad quatuor terminos anni videlicet infra quindenam Festi Sancti Michaelis triginta et tres denarios infra quindenam Natalis Domini triginta et tres denarios infra quindenam Pasche triginta et tres denarios et infra quindenam Festi Nativitatis Sancti Johannis Baptiste triginta et tres denarios sine omni occasione et meskenning Et sciendum est quod ego Athelicia predicta vel heredes mei vel aliquis alius per nos vel pro nobis nullatenus poterimus dehospitare eundem Jocelinum sive heredes suos sive assignatos suos de predictis terris vel de suis pertinenciis causa nos vel aliquem alium hominem vel feminam ibidem hospitandi nec amplius inde poterimus habere exigere capere vel clamare imperpetuum quam predictos undecim solidos per annum statutis terminis Has quoque terras prenominatas cum omnibus pertinentiis suis integre ego Athelicia predicta et heredes mei finabiliter warantizabimus predicto Jocelino et heredibus suis vel quibuscumque illas dare vendere legare aut assignare voluerit et heredibus eorum et de omnibus demandis acquietabimus pro eis per omnia respondebimus contra omnes homines et feminas per predictum servitium undecim solidorum per annum pro omnibus rebus Pro hac igitur dimissione concessione warantizatione acquietatione et sigilli mei appositione et presentis carte mee confirmatione dedit prenominatus Jocelinus mihi Athelicie sexdecim solidos et quatuor denarios sterlingorum in gersumam Hiis testibus Domino Simone capellano de Sancto Michaele de Cornhill David capellano de Sancto Christoforo Willelmo de Ripa capellano Roberto Justice Philippo de Wint Radulfo Perer Petro de Braking Radulfo Palmer cuteler Willelmo pictore Hugone fabro Gilberto Ferrun Ricardo Sobuld Roberto de Hakene fruit[ario] Reginaldo Cuteler et aliis