utl logo
UTL Home | Ethiopia Images | Central and Inner Asia Studies

Skip to: content

menu link

Charter Document - 00050388

Charter Number: 00050388
Cartulary Title: Westminster Abbey Charters, 1066-c.1214
Charter Language: Latin
Charter Origin: Religious
Charter Type(s): Grant
Date: 1175 - 1190
Date Type: Assigned
Resource Link(s): British History Online
map View Map
Charter:
Noverint omnes tam presentes quam futuri qui litteras istas viderint vel audierint quod ego Brichtmarus de Haverhulla voluntate et assensu Willelmi filii et heredis mei donavi et presenti carta confirmavi Deo et Sancto Petro Westmonasterii in perpetuam elemosinam vj solidos singulis annis de terra quam Robertus caliciarius tenet de feudo Willelmi Matel extra portam Lundon que dicitur Ludgate Hos vero vj solidos predictus Robertus caliciarius et heredes sui vel quicumque terram illam tenuerint solvent annuatim sacriste Westmonasterii duobus terminis anni ad emendum vinum ad missas scilicet tres solidos ad Nativitatem Sancti Johannis Baptiste et tres solidos ad Natale Domini Hanc autem mee parvitatis elemosinam voluntarie et devote donavi prenominate ecclesie pro salute anime mee et Dionisie uxoris mee que ibi honorifice sepulta est et Willelmi filii mei et A[] uxoris sue et filiorum suorum necnon et omnium antecessorum et posteriorum meorum ut fratres inibi Deo servientes memores nostri sint iugiter in orationibus suis et ut participes simus a modo omni tempore missarum psalmorum orationum elemosinarum et omnium beneficiorum ecclesie illius sicut Dominus Walterus abbas eiusdem loci et totus conventus in plenario capitulo nobis unanimiter concesserunt et in fraternitatem et societatem suam nos tam in vita quam in morte susceperunt
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter
^ Top