Charter Document - 00050423
Charter Number: 00050423
Cartulary Title: Westminster Abbey Charters, 1066-c.1214
Charter Language: Latin
Charter Origin: Religious
Charter Type(s): Grant
Date: 1199 - 1216
Date Type: Assigned
Resource Link(s): British History Online
View Map
Cartulary Title: Westminster Abbey Charters, 1066-c.1214
Charter Language: Latin
Charter Origin: Religious
Charter Type(s): Grant
Date: 1199 - 1216
Date Type: Assigned
Resource Link(s): British History Online
View Map
Charter:
Sciant presentes et futuri quod ego Ricardus Testard dedi et concessi et hac presenti carta mea confirmavi in puram et perpetuam elemosinam Deo et altari Beate Marie in ecclesia Westmonasterii ad luminaria invenienda eidem altari duodecim denariatas redditus in villa Westmonasterii de terra quondam Roberti de Baignorio et Derewenne uxoris sue quam terram ego Ricardus disrationavi in curia abbatis Westmonasterii per breve domini regis super eosdem Robertum et Derewennam unde placitum fuit inter nos in prefata curia Habendas et tenendas et percipiendas ad duos anni terminos scilicet ad Pascha sex denarios et ad Festum Sancti Michaelis sex denarios illos scilicet duodecim denarios quos Odo aurifaber de Westmonasterio et heredes sui tenentur reddere mihi et heredibus meis singulis annis de predicta terra Ego autem Ricardus et heredes mei warantizabimus procuratori prefati altaris qui pro tempore fuerit predictum redditum duodecim denariorum contra omnes homines et feminas Ut autem hec concessio et donatio et carte mee confirmatio rata sit et stabilis permaneat eam sigilli mei appositione corroboravi Hiis testibus Ricardo de Dol Ludovico clerico Alexandro clerico Odone tunc preposito Westmonasterii Henrico Sumer Ricardo filio Edmundi Adam de Westmonasterio Roberto de Crokesl Stephano de Berking Gerardo coco Thoma vinitore Willelmo Noel Ivone filio Ricardi Laurento Muschat Nicholao de celario Adam Gaufrido Willelmo servientibus de ecclesia et multis aliis