utl logo
UTL Home | Ethiopia Images | Central and Inner Asia Studies

Charter Document - 00050447

Charter Number: 00050447
Cartulary Title: Westminster Abbey Charters, 1066-c.1214
Charter Language: Latin
Charter Origin: Religious
Charter Type(s): Grant
Date: 1199 - 1216
Date Type: Assigned
Resource Link(s): British History Online
map View Map
Charter:
Sciant presentes et futuri quod ego Simon filius Willelmi de Hamslape assensu et voluntate Claricie matris mee dedi et concessi et hac mea presenti carta confirmavi Lucie que fuit uxor Ricardi de Berkinges totam terram meam quam habui in villa Westmonasterii in vico de Tothulle cum omnibus pertinentiis suis et edificiis et cum quodam curtilagio predicte terre adiacente que est de feodo Avicie de Langedich videlicet totam terram illam que fuit Galfridi presbiteri de Tothull et quam Willelmus pater meus de Johanne filio Edwardi tenuit pro medietate unius mesagii et que terra iacet inter terram que fuit Wlveve la lavendere ex una parte et inter terram Ade de Sunnebur ex alia parte quam de eodem feodo tenet pro medietate unius mesagii de qua videlicet terra prefate Lucie cartas reddidi Habendam et tenendam de me et heredibus meis sibi et heredibus suis in perpetuum in feodo et hereditate bene et in pace libere et quiete integre plenarie et honorifice Reddendo de prefata terra annuatim mihi et heredibus meis unam libram cumini in villa Westmonasterii in termino Pasche pro omni servitio et exactione et Johanni filio Edwardi et heredibus suis triginta denarios tamquam capitali domino feodi illius ad duos terminos anni scilicet ad Pascha xij denarios ex una parte et tres denarios ex alia parte pro prefato curtillagio unde prefate Lucie cyrographum reddidi et ad Festum Sancti Michaelis prefato Johanni et heredibus suis xij denarios ex una parte et tres denarios ex alia parte pro prefato curtilagio pro omni servitio et exactione salvo servitio domini abbatis scilicet inveniendi unum hominem uno die tantummodo in anno ad fenum illius levandum vel segetes colligendas ad cibum abbatis Et sciendum quod nec ego Simon nec heredes mei aliquid amplius de prefata terra poterimus exigere nisi tantum prefatam libram cumini singulis annis termino statuto Hec poterimus prefatam Luciam aliquo modo de prefata terra dehospitari causa nos vel aliquem alium ibidem hospitandi Prefata vero Lucia de prefata terra libere poterit de quocumque homine vel de quacumque femina voluerit heredem sibi constituere aut ubi voluerit assignare absque reclamatione vel contradictione mei vel heredum meorum salva predicta libra cumini quam mihi solvet vel cui assignavero Et ego Simon et heredes mei prefatam terram cum omnibus pertinentiis suis predicte Lucie et heredibus suis finabiliter warantizabimus contra omnes homines et omnes feminas per predictum servitium Pro hac autem donatione et concessione et carte mee confirmatione dedit mihi prefata Lucia sex marcas argenti in gersumam Ut autem hec mea donatio et concessio firma sit et stabilis eam presentis scripti testimonio et sigilli mei appositione roboravi Hiis testibus Ricardo de Dol tunc senescallo Odone aurifabro tunc preposito Radulfo Rufo Radulfo le Chauv Henrico Sum[er] Galfrido camerario Roberto de Crokesleg Adam nepote episcopi Wimundo pistore Alexandro de Eya Ricardo filio Eadmundi Alexandro le Fundur Thoma de Sancto Johanne de Eya Simone pictore Hugone Chanterel Nicholao de cellario Roberto de Cleigate Galfrido fabro Johanne parmentario et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter