Charter Document - 00110157
Charter Number: 00110157
Cartulary Title: The Cartulary of Newnham Priory
Charter Language: Latin
Charter Origin: Lay
Charter Type(s): Confirmation, Inspeximus
Date: 1289 - 1290
Date Type: Internal, A.D.
Resource Link(s): Embedded Document Diplomatics Annotated (brat)
View Map
Cartulary Title: The Cartulary of Newnham Priory
Charter Language: Latin
Charter Origin: Lay
Charter Type(s): Confirmation, Inspeximus
Date: 1289 - 1290
Date Type: Internal, A.D.
Resource Link(s): Embedded Document Diplomatics Annotated (brat)
View Map
Charter:
Per presentes sancte matris ecclesie filiis pateat uniuersis quod ego Iohannes de Morteyn miles uerus patronus et aduocatus ecclesie de Merston Morteyn Linc diocesis audiui et plenius intellexi quasdam litteras compositionis conuentionis permutationis seu excambii factarum inter religiosos uiros priorem et conuentum de N iuxta Bed Linc diocesis habentes ecclesiam de Wutton iuxta Bed suis propriis usibus canonice assignatam ex parte una et magistrum Walterum de Wutton nunc rectorem dicte ecclesie de Merston ex altera continentes tenorem infra scriptum [] et quia deliberatione habita cum amicis perpendi et aduerti utilitatem manifestam dicte ecclesie de Merston agi in hac parte dictis compositioni conuentioni permutationi et excambio consensum et assensum quantum ad aduocatum et patronum pertinet pro me et heredibus meis adhibeo et premissa ratificans duxi plenius approbandum et si quod absit quouismodo contigerit dictam ecclesiam de Merston fructus eiusdem uel ipsius ius patronatus a me uel heredibus meis euinci per quod dicta compositio conuentio permutatio seu excambium stare non permittantur uolo et concedo quod ecclesia de Wutton predicta per hoc in aliquo non ledatur In cuius rei testimonium presenti scripture sigillum meum duxi apponendum Datum apud N ij nonas Martii anno domini MCCLXXXIX