Charter Document - 00130120

Sciant presentes et futuri quod ego Galfridus filius Geruasii de Hugend dedi concessi et hac presenti carta mea confirmaui deo et ecclesie beate Marie de Messend et canonicis ibidem deo seruientibus in liberam puram et perpetuam elemosinam redditum xxij solidorum et ix denariorum et iij quadrantium cum omnibus pertinenciis suis super Kingeshulle scilicet de Ella de Espeleia quinque solidos et ix denarios et quadrantem soluendos ad duos anni terminos videlicet ad festum Sancti Michaelis triginta quatuor denarios et obolum et quadrantem de quadam terra quam de me tenuit in Kingeshulle de sua parte quam tenet de tenemento Galfridi de Messend Et triginta quatuor denarios et obolum ad festum Sancte Marie in Marcio proximo sequens et quinque solidos et ix denarios et quadrantem de Willelmo le Famel de Berkhamsted et Matilda uxore sua pro quadam terra que uxori predicti Willelmi descendit iure hereditario per decessum magistri Petri fratris sui soluendos terminis predictis et sex denarios de predicto Willelmo et Matilda uxore sua de quadam grava quam Walterus mercator de Wicumbe pater predicte Matildis habuit de dono meo terminis predictis soluendos et quinque solidos et nouem denarios et quadrantem de Andrea de Dusteburgh et Cecilia uxore sua pro quadam terra super Kingeshulle que dicte Cecilie descendit iure hereditario per decessum Isabelle matris sue soluendos terminis predictis Et quinque solidos de Thoma del Erda terminis predictis soluendos pro quodam prato quod habuit de dono meo in parochia de parua Messend quod quidem extendit se in longitudine a prato quod uocatur Tundemede et prato quod uocatur Groynesmede et iacet in latitudine inter regiam uiam que ducit a parua Messend usque ad abbatiam de Messend et cursum aque que currit uersus Depemulle Habendum et tenendum redditum predictum cum omnibus pertinenciis suis canonicis predictis et eorum successoribus belle in pace libere pure integre sine ullo retenemento mei uel heredum meorum uel assignatorum meorum quorumcumque Preterea dedi predictis canonicis et eorum successoribus omnia alia seruicia de predictis Elia Andrea et Cecilia uxore sua et Willelmo Famel et Matilda uxore sua et Thoma del Erda scilicet in homagiis sectis wardis releuiis heriettis et omnimodis aliis escaetis que michi et heredibus meis racione predicti tenementi aliquo iure possint contingere Et ego [] Pro qua donacione concessione warantizacione defensione et presentis carte confirmacione dederunt michi canonici predicti viginti et unam marcam et dimidiam probe monete in gersumam Et ut [] Hiis testibus domino Alexandro de Hamd domino Iohanne de Wedon domino Roberto Mantel domino Rogero de Messend domino Valentino rectore ecclesie de parua Messendene Roberto de Sanford Petro seruiente Et aliis