utl logo
UTL Home | Ethiopia Images | Central and Inner Asia Studies

Charter Document - 00160098

Charter Number: 00160098
Cartulary Title: Cartularium Monasterii sancti Johanni Baptiste de Colecestria [Colchester]
Charter Language: Latin
Charter Origin: Religious
Charter Type(s): Appropriation, Grant
Date: 1237
Date Type: Internal, A.D., Feast

map View Map
Charter:
Omnibus Christi fidelibus Rogerus Dei gratia Londoniensis episcopus salutem in Domino Cum ex injuncto nobis cure pastoralis officio teneamur singulos nostre jurisdictioni subjectos maximeque uiros religiosos paterna caritate diligere et eorum immunitatibus prouidere illos quadam speciali affectione promouere debemus quorum fama hylarior et religio circa Dei cultum certis documentis noscitur esse feruentior Hinc est quod nos dilectorum in Christo filiorum abbatis et monachorum Sancti Johannis Colecestrie honestatem et religionem attendentes necnon et ipsius domus que cunctis passim petentibus patet largifluam hospitalitatem ad ipsius domus habundantiorem sustentationem totam ecclesiam de Berqueya cum decimis et obuentionibus et terris et domibus et omnibus aliis pertinentiis in usus proprios conuertendam et inperpetuum possidendam dictis abbati et monachis concedimus et episcopali auctoritate confirmamus Salua uicaria viginti marcarum in eadem et saluo manso per Magistrum Willelmum de Lichefeld vicarie jam assignato Preterea concedimus dictis abbati et monachis et nostra episcopali auctoritate confirmamus inperpetuum tresdecim marcas de ecclesia de Ardlega per manum archidiaconi Colecestrensis qui pro tempore fuerit annuatim percipiendas ad duos terminos scilicet ad festum Sancti Michaelis vi marcas et dimidiam et ad Pascha sex marcas et dimidiam cum jure perpetuo remanente penes dictos abbatem et monachos presentandi quos elegerint ad vicariam jam dictam de Berqueya et ad vicariam ecclesie de Ardlege que taxanda est ad valentiam decem marcarum Ipsi autem vicarii omnia onera episcopalia in se suscipient sustinenda Ne igitur hec nostra concessio et confirmatio possit temporis diuturnitate obfuscari presentis pagine subscriptione et sigilli nostri patrocinio eandem communire curauimus Hiis testibus domino Galfrido decano Sancti Pauli Londonie Magistro Petro archidiacono Londoniensi Magistro Johanne precentore nostro Domino Henrico capellano nostro Henrico et Waltero clericis nostris et Johanne et Michaele senescallis nostris et aliis Acta Londonie anno gratie mccxxxvii In crastino Sancte Lucie
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter