utl logo
UTL Home | Ethiopia Images | Central and Inner Asia Studies

Charter Document - 00160115

Charter Number: 00160115
Cartulary Title: Cartularium Monasterii sancti Johanni Baptiste de Colecestria [Colchester]
Charter Language: Latin
Charter Origin: Religious
Charter Type(s): Confirmation
Date: 1227
Date Type: Internal, Calendar, Episcopal

map View Map
Charter:
Omnibus sancte matris ecclesie filiis presentem paginam inspecturis uel audituris Thomas Dei gratia Norwicensis episcopus salutem in domino sempiternam Cum ex injuncto nobis cure pastoralis officio teneamur singulos nostre jurisdictioni subjectos maximeque uiros religiosos paterna caritate diligere et eorum inmunitatibus prouidere illos quadam speciali affectione promouere debemus quorum fama clarior et religio circa Dei cultum certis documentis noscitur esse feruentior Hinc est quod dilectorum filiorum abbatis et monachorum Colecestrie honestatem et religionem attendentes ecclesias redditus et possessiones subscriptas in quarum possessione ab antiquo extitisse predictos abbatem et conuentum Colecestrie indubitanter accepimus ipsis abbati et monachis libere et pacifice in usus proprios in puram et perpetuam elemosinam possidendas episcopali auctoritate concedimus et presenti carta confirmamus scilicet Prioratum de Snapes cum suis pertinentiis et de eodem prioratu dimidiam marcam annuatim percipiendam saluis nobis et successoribus nostris prioris pro tempore institutione et destitutione et obedientia et reuerentia Norwicensi ecclesie debita et consueta Item ecclesiam de Aldeburg et ecclesiam de Wicham cum earundem ecclesiarum omnibus pertinentiis saluis in eisdem ecclesiis honestis sustentationibus vicariorum qui in prefatis ministrabunt ecclesiis Item manerium de Wicham quod fuit Roberti de Saukeuilla cum suis pertinentiis Item duas partes decimarum tam garbarum quam minutarum decimarum de dominico Willelmi de Ambli in Elmesete et sex acras terre Item duas partes decimarum de garbis de antiquo dominico Thoraldi filii Baldwini in Stokes Item omnes decimas tam majores quam minores de una carucata terre Ricardi de Ikewrde in Manestona Et de eadem carucata terre quadraginta solidos annuos Item duas parto decimarum de garbis de dominico Gerardi de Wachesham in Floketune cum quatuor acris terre et quadam pastura adjacente Item duas partes decimarum de garbis de dominico Ermegoti de Wenham in parochia de Capeles Item sexaginta solidos annuatim percipiendos de firma per manum persone de Ereswelle et ejus successorum rectorum ecclesie de Ereswelle secundum continentiam carte cyrographate inter abbatem et conuentum Colecestrie ex una parte et P rectorem ecclesie de Ereswelle ex altera confecte pro duabus partibus decimarum tam majorum quam minorum prouenientium de dominico Radulfi de Rofa in Ereswelle et Cukelesworde et pro duabus acris terre et pro omnibus decimis molendinorum de Ereswelle et de Bertuna Item viginti quatuor solidos annuatim percipiendos per manum prioris de Butele et ejus successorum secundum continentiam carte cyrographate inter ecclesiam Sancti Johannis Colecestrie et ecclesiam de Buttele confecte pro decimis de dominicis de Feneberwe et de Glemham quas de eis ad firmam tenent item quatuor solidos annuatim percipiendos per manum rectoris ecclesie de Intewode de decimis de dominico Henrici de Gessinges in villa de Goudestorp ab antiquo ad monasterium Sancti Johannis Colecestrie pertinentibus Item duodecim solidos de priore et monachis de Stokes annuatim percipiendos de quodam feudo sicut carta cyrographata inter eos confecta testatur Item aduocationem medietatis ecclesie de Emingestuna Item decem solidorum redditum de Johanne de Geddinges et ejus heredibus in uilla de Bukesale Item quadraginta solidos annuos de Margeria de Creysi et ejus heredibus sicut carta ipsius testatur Et in hujus rei testimonium hanc cartam fieri fecimus et sigillo nostro muniri Data apud Terlinges quinto decimo Kalendas Maii Pontificatus nostri anno primo Hiis testibus Magistro Alano archidiacono Subiriensi tunc officiali Magistro Roberto de Bulney Henrico capellano Radulfo de Blumuilla Dionisio clerico et aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter