Charter Document - 00190020
Charter Number: 00190020
Cartulary Title: The Cartulary of Bushmead Priory
Charter Language: Latin
Charter Origin: Religious
Charter Type(s): Grant
Date: 1215 - 1217
Date Type: Assigned
Resource Link(s): Diplomatics Annotated (brat)
View Map
Cartulary Title: The Cartulary of Bushmead Priory
Charter Language: Latin
Charter Origin: Religious
Charter Type(s): Grant
Date: 1215 - 1217
Date Type: Assigned
Resource Link(s): Diplomatics Annotated (brat)
View Map
Charter:
Omnibus sancte matris [] Hugo de Bello Campo filius Oliueri de Bello Campo salutem Nouerit uniuersitas uestra me dedisse et concessisse et hac presenti carta mea confirmasse deo et monasterio sancte Marie de Bisshemade et canonicis ibidem deo seruientibus et in perpetuum seruituris in puram et perpetuam elemosinam pro salute anime mee et pro anime patris mei Oliueri et matris mee Agnetis liberum introitum et liberum exitum illius uie que iacet a torrente gardini Ricardi de Costentin usque in terram suam quam dedit eis Adam de Chauton in perpetuam elemosinam quem introitum et quem exitum eidem Ade de Chauton quondam dedi et concessi Preterea eidem monasterio et canonicis in puram et perpetuam elemosinam dedi et concessi et confirmaui foueam cum crofto et cum toto hayo suo ex parte orientis et quicquid ultra hanc ex parte orientis ad opus meum retinui que fouea iacet a terra Ricardi Costentin usque ad terram Ricardi de Bello Campo quem foueam nec Reginaldo de Baa nec Ade de Chauton dare vel concedere uolui sed eam ad libitum meum faciendum retinui Similiter memorate domui et canonicis dedi et concessi quicquid terre ultra hanc foueam ad opus meum retinui ut omnes istas res sic nominatas et sic exterritas memorata domus et canonici pure et in perpetuum eas liberas et ab omni seculari seruicio quietas teneant et possideant Et ego et heredes mei eas eis sic donatas concessas contra omnes homines et feminas warantizabimus et protegemus Iterum uolo ut triginta sex acras terre cum una acra prati quas Adam de Chauton tenuit siue plus siue minus in eis contineatur quiete et pacifice sepedicta domus et canonici teneant et possideant Vt autem hec donationes concessiones et confirmationes maiorem [in]firmitatem optineant illas sigilli mei appositione confirmaui His testibus Willelmo capellano de Kayso Johanne capellano de Pertenhale Eustachio persona de Stocton Willelmo fratre suo Willelmo Daco Roberto filio Radulfi Waltero filio eius Oliuero de Weldeb Roberto de Weldeb Johanne de Litebur Johanne filio eius et multis aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
