Charter Document - 00220017
Charter Number: 00220017
Cartulary Title: The Cartulary of Daventry Priory
Charter Language: Latin
Charter Origin: Lay
Charter Type(s): Agreement, Settlement
Date: 1237
Date Type: Internal, Feast, Regnal
View Map
Cartulary Title: The Cartulary of Daventry Priory
Charter Language: Latin
Charter Origin: Lay
Charter Type(s): Agreement, Settlement
Date: 1237
Date Type: Internal, Feast, Regnal
View Map
Charter:
Sciant presentes et futuri quod ita conuenit inter dominum Walterum filium Simonis dominum de Dauentre et dominum Nicholaum priorem et conuentuum de Dauentre in festo sancti Ambrosii anno regni regis Henrici filii Johannis regis vicesimo primo coram domino Johanne de Houton archidiacono Norhamton Magistro Ricardo de Sancta Cruce officiale suo domino Pagano Pernere milite et aliis in ecclesia sancti Andree de Herleston super controuersiam peractionibus inter ipsos motis tam de terris quam de aliis uidelicet quod dictus dominus archidiaconus iam concessit quod priori et monachis confirmationem a predecessoribus suis per cartas eorundem collatis quibus usque ad predictum diem sancti Ambrosiani de omnibus terris possessionibus libertatibus et tenementis eidem et in saisina fuerunt Et preterea dedit eis idem dominus Walterus et carta sua confirmauit xxiiii fessos bosci de bosco suo annuatim contra Pascha ad coquendas hostias Dedit etiam eis et carta sua confirmauit omnes iuras pecunarias hominum ipsorum monachorum tenencium de eis in uilla de Dauentre et utencium lege et consuetudine burgali in quas inciderunt in portimoto suo per iudicium burgensum ad quem portimotum balliuus dicti prioris uenire debet et iudicio interesse si uenire uoluerit et si uoluerit non exspectetur Ita tamen quod si aliquis de hominibus dictorum monachorum secundum legem burgalem debeat pena corporali puniri per ipsum dominum Walterum et heredes suos et eorum balliuos preterquam per iudicium burgensium iudicatur fuerit Ei infligetur presente balliuo prioris si interesse uoluerit Concessit etiam et dedit eisdem monachis et assignauit in perpetuum elemosinam ad dominiam bobibus suis quam eis per cartas predecessorum suorum inuenire debuit cum bobibus suis totam pasturam suam que uocatur Tunslade ad pasturam bouum suorum uel ad aliud inde faciendum et disponendum in perpetuum pro uoluntate sua reddendos inde annuatim eidem Waltero et heredibus suis sex solidios ad duos terminos scilicet ad festum sancti Michaelis iii solidos et ad Pascha iii solidos pro omni seruicio et exaccione seculari Et pro hac donatione concessione confirmatione et assignatione dictus prior et monachi pro se et successoribus suis predicto Waltero et heredibus suis in perpetuum remiserunt et quietum clamauerunt totum ius et clamium quod habuerunt uel habere potuerunt in piscacione unius diei in uiuario ipsi Waltero contra festum sancti Augustini et in pacacione unius millenari allecti et in x quadrigatas bosci et in xxiiii sellis bosci annuatim et in pastura ad domicos boues suos cum dominicis bobibus suis que predicta iidem monachi clamabant per cartas antecessorm suorum et quod clamabant quod placita hominum eorum burgencium deberent teneri in Belamie inter eos et ibi capere mensuras galones et huiusmodi que omnia de cetero fiant in portimoto et domo et loco ad hoc ad alia placita burgencium deputatis et insuper dederunt ei novem marcas et dimidiam sterlingorum sic sopite sunt omnes conuenciones querele et lites in omnibus et per totum usque ad predictum diem sancti Ambrosiani Quod ut ratum sit hinc scripto bipartito sigilla sua apposuerunt Hiis testibus domine Iohanne de Houton Magistro Ricardo offitiali suo Paulo Penerie
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
