Charter Document - 00220018

Omnibus Christi fidelibus presens scriptum uisuris uel audituris Walterus filius Simonis dominus de Dauentre salutem Nouerit uniuersitas uestra me concessisse et hac presenti carta mea confirmasse deo et ecclesie sancti Augustini de Dauentre et monachis ibidem deo seruientibus terras redditus possessiones libertates et omnia iura et tenementa subscripta eis ab antecessoribus meis collata uidelicet ecclesiam de Dauentre cum omnibus pertinenciis suis et illam placetam bosci que se extendit sub monte de Neuham aduersus le west et tria molendina [] omnes predictos cum filiis et filiabus suis et culturam de Langedon cum chenesciis ad eandem terram pertinentibus quam quidem habuit dono patris mei Hec autem omnia predicta presentis carte mee immunire confirmaui habend et possidenda a deo bene et in pace libere et quiete cum libertate curie sue [] beneficiis et pertinenciis ad predictam pertinentibus prout in cartis antecessorum meorum quas idem habuit continetur Dedi eciam et concessi eisdem monachis et assignaui in perpetuum elemosinam pro pastura ad dominicos boues suos quam eis per cartas predecessorum meorum inuenire debui cum dominicis bobibus meis pasturam meam que uocatur Tunslad ad pasturam bouum suorum uel ad aliud inde faciendum et disponendum in perpetuum pro uoluntate sua reddendo inde annuatim mihi et heredibus meis vi solidos pro omni seruicio seculari et exaccione Et preterea dedi concessi et hac presenti carta mea confirmaui eisdem monachis pro deo et salute anime mee et Isabelle uxoris mee predecessorum et successorum meorum xii fessos bosci de bosco meo ad coquendas hostias suas annuatim contra Pascham et remisi et quietum clamaui pro me et heredibus meis in perpetuum eisdem monachis quicquid iuris habui uel ego uel heredes mei habere potuimus in bosco corde Armelei Ita quod liceat eis pro nobis de dicto bosco facere comodium suum et ipsum includere quocumque modo pro uoluntate sua inde disponere uoluerint sine impedimento mei uel meorum Preterea dedi et concessi eisdem monachis omnes iniurias pecuniarias hominum suorum tenencium de eis in uilla de Dauentre et utencium lege et consuetudine burgali si in aliquis inciderunt in portmoto in domo in foro ad causas ipsas deputatas per iudicium burgencium ad quem portimotum balliuus prioris uenire debet et iudicio interesse si uoluerit et si uoluerit non exspectetur et si aliquis de hominibus dictorum monachorum secundum legem burgalem pena corporali debeat puniri per me et heredes meos et baliuos nostros postquam per iudicium burgencium indicatur fuerit ei infligetur presente balliuo prioris si interesse uoluerit Hec autem omnia predicta uolo et firmiter precipio pro me et heredibus meis quod predicti monachi habeant et teneant bene et in pace libere et quiete et pacifice in omnibus in liberam puram et perpetuam elemosinam in perpetuum et ea ego et heredes mei contra omnes gentes warantizabimus eis et successoribus suis in perpetuum Pro autem hac donacione confirmacione warrantizatione et assignatione dicte pasture de Tunslade dicti monachi pro se et successoribus suis michi et heredibus meis in perpetuum remiserunt et quietum clamauerunt totum ius et clamium quod habuerunt uel habere potuerunt in piscacione unius diei in uiuario nostro contra festum sancti Augustini et in uno millenario allectis annuatim et in x quadrigatis bosci annuatim et in xxiiii fessis bosci annuatim et in pastura ad domincos boues suos inter domincos boues meos ubicunque ierunt in pastura que predicta idem monachi clamabant per cartas antecessorum meorum Et soluent dicti autem monachi vi solidos duos terminos scilicet ad festum sancti Michaelis iii solidos et ad Pascha iii solidos et insuper dederunt mihi ix marcas et dimidiam sterlingorum Ut autem hec donacio concessio confirmacio et assignatio rata et stabilis in perpetuum permaneat presens scriptum sigilli mei apposicione corroboraui Actum anno ab incarnatione domini millesimo ccxxxvii Hiis testibus Magistro Iohanne archidiacono Norhamton Magistro Ricardo officio suo Paulo Penerie Willelmo de Dauentre Simone de Trop Rogero Gulafre