Charter Document - 00220022

Ita conuenit inter Walterum filium Simonis dominum de Dauentre ex una parte et priorem et conuentum de Dauentre ex altera die sancti Nicholai anno regni regis Henrici filii regis Johannis vicesimo quarto scilicet quod prior et conuentus dederunt dicto Waltero furnum qui situs fuit in curia Willelmi Baldoc ad amouendum et ponendum ubicunque uoluerit super terram suam in Dauentre et homines dictorum monachorum debunt furnire in illo uel in alio furno dicti Walteri uel heredum suorum propinquiones post panem in furno inuentum bene et pace et sine impedimento ipsius Walteri uel heredum suorum uel hominum suorum pro tali furnagio quale homines domini dant Nec alium furnum predictus prior uel successores sui de cetero leuabunt super feodum illorum in Dauentre ad nocumentum dicti Walteri uel heredum suorum in Dauentre unde predictus sit de secta furnorum suorum Preterea habebit dictus Walterus in dicto manerio de Dauentre bis in anno uisum francorum plegii hominum dicti prioris de Dauentre scilicet extra prioratum infra quindecim dies post festum sancti Michaelis et infra quindecim dies post Pascha in feudo ipsius prioris extra prioratum et cimiterium per uisum Walteri uel heredum suorum uel balliuorum suorum et per uisum dicti prioris uel successorum suorum uel balliuorum suorum Ita quod omnes in curie et amerciamenta et fines si facti fuerint et inde proueniant erunt dicti prioris uel successorum suorum saluis dicto Waltero et heredibus suis omnibus attachiamentis ad pacem domini regis et coronam spectantibus Preterea dictus Walterus et heredes sui uel balliui sui facient serchiam de falsis mesuris uel ponderibus cum balliuo prioris et si uenire uelit et si noluerint non exspectetur In feudo ipsius prioris si talis mensura inuenta fuerit attachiatur predictum Walterum uel per heredes suos uel per balliuos suos usque aduentum justiciariorum domini regis Et si homines dicti prioris uel successorum suorum conuicti fuerint super falso pane et super ceruisia facta et uendita contra assisiam in portimoto iniuria si inde euenerit pecuniaria cum pane falso et cum cernisia facta contra assisiam remanebit dicto priori et successoribus suis Iusticia autem de pillori et tumbrello remanebit dicto Waltero et heredibus suis facienda et dictus prior et successores sui habebunt liberum introitum et exitum ad pasturam suam de Tunslade per eandem uiam quam dictus Walterus uel antecessores sui melius et quietius habuerint sine impedimento Hiis testibus domino Roberto de Layenton Willelmo de Colewrthe Roberto de Brus