Charter Document - 00220111
Charter Number: 00220111
Cartulary Title: The Cartulary of Daventry Priory
Charter Language: Latin
Charter Origin: Religious
Charter Type(s): Agreement, Exchange
Date: 1242
Date Type: Internal, A.D.
View Map
Cartulary Title: The Cartulary of Daventry Priory
Charter Language: Latin
Charter Origin: Religious
Charter Type(s): Agreement, Exchange
Date: 1242
Date Type: Internal, A.D.
View Map
Charter:
Hec est conuentio facta anno gratie millesimo ccxlii inter Nicholaum priorem et conuentum de Dauentre ex una parte et Robertum filium Simonis Campion eiusdem uille ex altera uidelicet quod dicti prior et conuentus dederunt et concesserunt dicto Roberto et heredibus suis pro se et successoribus suis iiii chenescias in campis de Dauentre que scilicet abuttant in Sourbroc desuper Holwelle et i dimidiam acram terre in superiori parte de Sourbroc que fuit Ade Plumston inter terram ipsius Roberti et terram Rogeri Porter et i dimidiam acram super Pesefurlong inter terram dicti R et terram uxoris Wilesii in escambium perpetuum pro duabus chenesciis que abuttant in uiuarium dictorum monachorum quas dictus Robertus eis dedit pro se et heredibus suis includendas fossato et sepe uel quolibet alio modo prout sibi melius uiderint expedire quantum ad ipsum et heredes suos pertinet et pro i dimidia acra terre que extendit in dictum uiuarium inter terram dictorum monachorum et terram Simonis Ruffi et pro i dimidia acra terre super Brerefurlong inter terram eorundem monachorum Hanc uero conuencionem factam utraque pars alteri et successoribus et heredibus suis inperpetuum warantizabit In cuius rei testimonium presenti scripto in modum cyrographi confecto utraque pars sigillum suum huic inde apposuit Hiis testibus domino Waltero filio Simonis domino Willelmo de Dauentre Johanne Gemme Johanne Bainel Willelmo filio Nigelli et multis aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
