Charter Document - 00220270

Sciant presentes et futuri quod nos Jacobus prior et conventus de Daventre dedimus et concessimus et hac presenti carta nostra confirmavimus Willelmo de Sartan servienti nostro et Amicie uxori ipsius et heredibus suis mansionem illam in Daventre que est inter mansum quod fuit Hugoni Coci et mansum quod fuit Sturtop cum omni integritate sua in escambium mansionis in Weletona que fuit Radulfi sacerdotis Quem mansionem prefati Willelmus et Amicia nobis et successoribus nostris omnino quietam clamaverunt de se et heredibus suis in perpetuum Cartas vero quas inde habebant nobis omnino quietas reddiderunt Tenebant autem memorati Willelmus et Amicia uxor eius prefatam mansionem in Daventre de nobis et successoribus nostris sibi et heredibus suis libere quiete et honorifice reddendo inde annuatim nobis ii solidos vi d pro omni servicio et exaccione ad nos vel successores nostros pertinente ad iiii terminos videlicet ad Pascha vii d ob ad festum sancti Johannis Baptiste vii d ob ad festum sancti Michaelis vii d ob et ad Natale domini vii d ob In testimonium siquidem huius nostre donacionis concessionis et confirmacionis huic presenti carte sigillum domus nostre apposuimus Hiis testibus Nigello Johanne Gemme Johanne Bainel et pluribus aliis