Charter Document - 00220429
Charter Number: 00220429
Cartulary Title: The Cartulary of Daventry Priory
Charter Language: Latin
Charter Origin: Religious
Charter Type(s): Grant
Date: 1161
Date Type: Internal, A.D., Feast, Regnal
Resource Link(s): Diplomatics Annotated (brat)
View Map
Cartulary Title: The Cartulary of Daventry Priory
Charter Language: Latin
Charter Origin: Religious
Charter Type(s): Grant
Date: 1161
Date Type: Internal, A.D., Feast, Regnal
Resource Link(s): Diplomatics Annotated (brat)
View Map
Charter:
Roberto dei gratia Lincoln[] episcopo et omnibus sancte matris ecclesie filiis Stephanus de Welton salutem Notum facio uniuersitati uestre filii dei et amici karissimi me pro salute anime mee uxoris et liberorum patris et matris mee et omnium meorum tam uiuorum quam mortuorum dedisse deo et sancte Marie de Karitate et ecclesie sancti Augustini de Dauentre et monachis ibidem deo seruientibus ecclesiam sancte Marie de Stauerton in perpetuam elemosinam cum una uirgata terre [] quibuscunque pertinenciis et beneficiis suis et concessisse ut libere et quiete et honorifice eam teneant et pacifice per omnia iure perpetuo possideant nichil consuetudinis uel seruicii debiti cuiquam homini laicorum uel de ecclesia uel de beneficiis uel de terra agentes preter quod orent pro me et meis et solum Denegeldum reddant in tempore suo regi Hanc eandem ecclesiam de Stauerton ad ius ecclesie Dauentreiensis pertinentem et membrum eius pluribus annis ante hanc donacionem sancto Augustino et suis patre meo annuente reddideram set nullam carte uel sigilli defensionem contra posterorum cautelam et uexatinam pulsationem dederam et accionem meam immunitam reliqueram Ut ergo iam ex hoc nunc in seculum rata sit et stabilis mea que processit reddicio et que sequenter adiuncta est donacio uero non et ipsa prefate libertatis concessio scripti et sigilli mei testimonio eas pariter munimine confirmo Willelmum autem filium Wlrici Sedcal et sorores eius sancto Augustino et suis confirmo Hec apud Dauentre feci anno ab incarnatione domini millesimo clx primo et regni regis Henrici junioris vii die quodam festo translationis sancti Martini ubi et Agnes uxor mea mecum fuit et manu sua apposita per quendam textum ecclesie altare sancti Augustini de predicto beneficio mecum pariter seisiant Testibus Adam abbate de Euesham cum iii monachis suis Constantinio Joscelino de Senliz et Reginaldo Pagano clerico de Euesham fratre Reginaldi monachi Galfrido iuuene filio Galfrido de Trilli Willelmo decano de Brechebi et multis aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
