Charter Document - 00220695

Hec est amicabilis composicio facta anno gratie millesimo ducentisimo tricesimo nono ad festum sancte Margarete inter abbatem et conuentum beate Marie de Suliby ex una parte et priorem et conuentum sancti Augustini de Dauentre ex altera de fossatis leuatis et muris et de omnibus contencionibus accionibus et demandis quocunque nomine censeantur utrique parte conpetentibus in die quo hec composicio facta fuit Ita quod de nullis rebus se tunc contingentibus possint deinceps ad inuicem questionem mouere uidelicet quod dicti abbas et conuentus dederunt et concesserunt prefatis priori et conuentui quandem partem trium selionum terre cum pertinenciis in campis de Westhaddon ad australem partem eiusdem uille qui iacent iuxta terram quam predicti abbas et conuentus prius dederant predictis priori et conuentui et se extendunt a fossato predicti prioris et conuentus aquilonali recta leuia et abbuttant usque Buttoft et warantizabunt predictis priori et conuentui predictam partem trium selionum cum pertinenciis et concesserunt quantum ad ipsos pertinet ut elongent fossatum suum uel muro includant usque ad terram illam et super terram illam Et predicti prior et conuentus concesserunt dictis abbati et conuentui ut includant terram suam quam habunt subter Tringl uersus austrum quantum ad ipsos pertinet fossato uel muro Ita quod fossatum illorum uel murus exstendatur super aliam panem predictorum trium selionum Item dicti prior et conuentus concesserunt ut muri leuati circa bercariam predictorum abbatis et conuentus sicut fuerunt die illo in pace permaneant Hoc idem dicti abbas et conuentus concesserunt dictis priori et conuentui de muro horei sui Preterea dicti prior et conuentus dederunt dictis abbati et conuentui unum selionem terre cum pertinenciis que se extendit iuxta bercariam illorum usque ad uiam et in perpetuum warantizabunt pro dimidia roda que iacet ex orientali parte de Bradewelle inter terras dicti abbatis et Thome filii Margerie quam dicti abbas et conuentus dederunt dictis priori et conuentui et inperpetuum warantizabunt In cuius rei testimonium presens scriptum in modum cyrographi inter eos est confectum et tam sigillorum dictorum prioris et conuentus quam prenominatorum abbatis et conuentus huic inde appositis corroboratum Hiis testibus dominis Simone de Throp Eustachio de Watford militibus Rogero Gulafre Simone de Bukeruile Petro de Holmo et multis aliis