Charter Document - 00220884

Uniuersis sancte matris ecclesie filiis et Christi fidelibus clericis et laicis francis et anglis Robertus filius Uioli ueram in christo salutem Notum sit omnibus nobis dilectissimi quod tercio anno postea quam Osbertus prior de Dauentre cum quibusdam monachis suis disracionauerat apud Leicestriam in conspectu Alexandri Lincolniensis episcopi ecclesias tocius terre mee Foxtune uidelicet Lubeho Guthmundela Scaldefort Bitlesbroc Braibroc cum omnibus pertinenciis suis unde eos iniuste dissaisaueram penetencia ductus Dauintreiam ueni et ecclesiam sancti Augustini bono animo et beniuolo resaisiaui de ecclesiis predictis quos antea ex donatione mea ab anno quo Anselmus Cantuariensis archiepiscopus mortuus est habuerat et usque ad annum regni regis Stephani nonum quo eam inuestiui inconcusse possedat culpam et iniustam accionem meam ibidem coram plurimis clericis et laicis a parte recognoui et ueniam a domino et a sancto Augustino quem offenderem postulaui et a monachis quantum in ipsis fuit dei gracia inpetraui Quapropter nobis filii dei et amici karissimi scribo et scribendo enixius supplico quatinus pro dei amore et anime nostre salute elemosinam meam ut mea mecum per dei misericordiam participemini ad utilitatem ecclesie Dauentrensis et monachorum ibidem deo seruencium ubicunque et inquocunque poteritis manu teneatis et iuuetis quia uolo oro et desidero et in quantum michi licet precipio quod bene et honorifice teneant libere et quiete perpetuo possideant Huius rei et accionis testes sunt Johannes capellanus de Dauentre Thomas sacerdos de North[] Nicholaus sacerdos de Foxtone Jordanus filius ipsius Roberti filii Uioli Henricus miles de Guthmund Reinfredus de Font Hugo Sapiens de Orenthus Willelmus Sapiens Willelmus de Lobenho Walterus capellanus et multi alii