Charter Document - 00220901
Charter Number: 00220901
Cartulary Title: The Cartulary of Daventry Priory
Charter Language: Latin
Charter Origin: Religious
Charter Type(s): Oath
Date: 1176
Date Type: Internal, A.D., Calendar
View Map
Cartulary Title: The Cartulary of Daventry Priory
Charter Language: Latin
Charter Origin: Religious
Charter Type(s): Oath
Date: 1176
Date Type: Internal, A.D., Calendar
View Map
Charter:
Universis sancte matris ecclesie filiis Rogerus dei gratia Wigornensis ecclesie minister et Adam eadem gratia dictus abbas Evesham salutem Delegata nobis a domino Alaxandro papa iii cause cognitione que vertebatur inter priorem et monachos sancti Augustini de Daventre et Alanum de Glen clerici super ecclesia de Foxton diem congruum partibus prefiximus Prefatus itaque Alanus a nullo coactus set ut publice protestabatur spontaneus omni iuri quod se in prescripta ecclesia habere dicebat inperpetuum renunciavit et eandem ecclesiam iuramento corporaliter prestito abiuravit iuramento annectens se numquam questionem prefatis monachis moturum super predicta ecclesia nec per se vel per alium eos super ipsa ecclesia quacunque occasione vexaturum Facta est abiuracio ista in ecclesia beati Augustini de Wich anno verbi incarnati millesimo c septuagesimo sexto pridie nonas Octobris Testibus Roberto tercio Herefordensi episcopo Simone Wigornense archidiacono Magistro Moise Magistro Hugone de Sutwelle Magistro Nicholao de Atingeham et multis aliis