Charter Document - 00220909

Omnibus Christi fidelibus presens scriptum visuris vel audituris Magister Robertus de Marisco Roberti dei gratia Lincoln[] episcopi officialis salutem in domino sempiternam Noverit universitas vestra quod cum mota fuisset controversia inter priorem et conventum de Daventre ex una parte agentes et dominum Hugonem de Benigton rectorem ecclesie de Lobenho defendentem ex altera coram nobis super quadam annua prestacione sex marcarum et dimidie pro omnibus decimis garbarum de feudo Hugonis Poherii in villa de Lobenho provenientibus quas quidem sex marcas et dimidiam vel decimas prenominatas auctoritate ordinaria petebant restitui Dictus Hugo coram nobis personaliter constitutus animo contestandi litem respondebat dictos priorem et conventum numquam fuisse in possessione dicte pecunie pro decimis memoratis nec eciam in possessione dictorum decimarum lite igitur legitime contesta et super iure utriusque partis testibus huic inde productis iuratis et examinatis et eorundem deposcionibus in scriptis et redactis facta eciam publicatione utriusque partis attestacionum et facta copia eisdem Habitis eciam disputacionibus inter partes prenominatas auditis et intellectis omnibus que in presencia nostra proponere voluerunt Conclusione dicte causa facta et die prefixo ad diffinendum tandem post multas altercationes et strepitus iudicales hinc inde habitos dicta controversia in hunc modum conquievit videlicet quod partes prenominate renunciantes omni iurisdicioni delegate et omnibus ab ea dependentibus ordinacioni et provisioni et diffuncioni nostre se et ecclesias suas quantum ad omnia predicta pure et spontanea voluntate subiecerunt promittentes bona fide se inviolabilter observaturas quicquid super prenominatis duceremus inter easdem partes ecclesiasque suas ordinandum seu providendum Nos igitur diligenter inscriptis tam edicione prioris et conventus de Daventre et contestacione prenominati rectoris quam aliis instrumentis in dicto negocio prolatis auditis et intellectis testium utriusque partis deposicionibus racionibus et allegacionibus partium quas in negotio volebant proponere prenominato tandem communicato viris peritoris consilio nobis affidencium videlicet Magistrum Geraldi de Wesham et Leonardi de Douwig et domini Benedicti de Burgo Petri de Staunford tunc temporis clericorum domini Lincoln[] de predicta causa auctoritate ordinaria deo inspecto auctore ordinavimus in hunc modum videlicet quod prenominatus Hugo rector ecclesie de Lobenho restituet plene et insoludum dictis priori et conventui et monasterio suo de Daventre possessionem omnium decimarum garbarum de feudo prenominato in villa prenominata preveniencium per unam bigatam garbarum quam prenominatus Hugo faciet cariare in feudum prenominatum Et facta restitucione eisdem iidem eandem bigatam garbarum quo voluerunt abducent pro voluntate eorum disponentes Dicti vero prior et conventus concedent predicto rectori quamdiu fuerit in possessione prenominate ecclesie decimas prenominatas de illis et monasterio suo de Daventre ad firmam reddendo eisdem annuatim unam dimidiam marcam ad Pascha et aliam dimidiam marcam ad assumptionem beate Marie virginis salvis inperpetuum omnibus decimis de feudo prenominato provenientibus eisdem et monasterio suo post decessum predicti Hugonis vel eiusdem resignacionem Preterea ordinavimus quod in proximo autumpno futuro post huius them restitucionis facte prenominati prior et conventus alligere facient primas decimas garbarum in feudo memorato provenientes usque ad unam bigatam sine rectoris contradiccione vel impedimento nomine iuris perpetui monasterii de Daventre secundum voluntatem eorum disponentes Si vero contingat prenominatum rectorem huic nostre ordinacioni provisioni seu diffinicioni in aliquo articulo contrarire eidem super memoratis decimis perpetuum silencium decernimus imponendum possessionem earundem de toto prenominato feudo proveniencium memoratis priori et conventui diffinitive adiucantes In huius autem ordinacionis nostri et diffincionis robur et testimonium sigillum officii nostri huic scripto duximus apponendum auctoritate diocesana hanc ordinacionem confirmante Hiis testibus Magistro Geraldo de Weseham Leonardo de Donewyz dominis Benedicto de Burgo Petro de Staunford clericis domino Wydone persona de Seyton Datum apud Lydington die martis proxima post festum sancti Nicholai anno gratie millesimo cc quadragesimo quinto