utl logo
UTL Home | Ethiopia Images | Central and Inner Asia Studies

Charter Document - 00270036

Charter 00270036
Charter Number: 00270036
Cartulary Title: The Thame Cartulary
Charter Language: Latin
Charter Origin: Religious
Charter Type(s): Grant, Ordination
Date: 1235 - 1236
Date Type: Assigned

map View Map
Charter:
Omnibus Cristi fidelibus ad quos presens scriptum peruenerit Robertus dei gracia Lincolniensis episcopus salutem in domino Nouerit uniuersitas uestra nos interveniente dilectorum filiorum Genteschiw militis patroni et Rogeri de Turberville rectoris ecclesie de Ottendun assensu concessisse et presenti carta nostra confirmasse quod dilecti filii abbas et conuentus de Thama habeant capellam apud grangiam suam de Otteleia et diuina celebrent in eadem sumptibus ipsorum abbatis et conuentus exclusis omnibus parochianis dicte ecclesie de Ottendun ita etiam quod dominicis et festis diebus familia eiusdem grangie in eadem capella diuina non audiat nec panem benedictum nec aquam benedictam nec alia sacramenta in preiudicium matricis ecclesie de Ottendun ibidem percipiat sed matricem ecclesiam eisdem diebus debito modo sicut consueuit uisitabit Dicti uero abbas et conuentus sacramentum fidelitatis per monachos et conuersos ibidem manentes exhibebunt scilicet quod omnes obuentiones undecumque in dicta capella proueniant sine diminutione qualibet ecclesie matrici de Ottendun quam cicius restituent hoc excepto quod si episcopus comes baro seu persona aliqua libertatem capelle de consuetudine habens et per patriam transiens in dicta capella per proprium capellanum diuina audierit et oblationem ibidem factam asportauerit propter hoc uersus dictum abbatem et conventum uel eorum successores dicte ecclesie persona vel eius successores actionem uel litem mouere nequaquam poterunt Si autem occasione eiusdem capelle quicquid in preiudicium supradicte ecclesie fuerit acceptatum cessantibus omni appellatione exceptione et priuilegio impetrato uel impetrando cessabit auctoritate ordinarii dicta capella donec matrici ecclesie super iniuria et omnibus subtractis legitime fuerit satisfactum Ordinauimus etiam de consensu predictorum patroni et rectoris ipsorum abbatis et conuentus accedente consensu quod idem abbas et conuentus immunes sint in perpetuum a prestacionibus omnium decimarum prouenientium de cultura illa que uocatur Chalfcroft et de cultura illa que uocatur Periforlange que quidem culture clause fuerunt fossato uersus grangiam de Ottele tempore istius compositionis pro quarum quidem decimarum quieta clamantia concesserunt et dederunt dicti abbas et conuentus dicto Rogero et successoribus suis et ecclesie sue de Ottendun duo acras terre cum pertinentiis suis in liberam puram et perpetuam elemosinam uidelicet unam acram in Bradeweesforlange que iacet inter dimidiam acram domini Genteschiw et dimidiam acram Ysabelle vidue que quidem acra se extendit super quinque capitales dimidias acras dicti Genteschiw et aliam acram que se extendit ab oriente in occidentem ex parte boreali domus ipsius persone de Ottindun que quidem acra iacet inter acram Willelmi Botte et tres uirgas Ricardi Herberti habend et tenend dicto Rogero et successoribus suis et ecclesie de Ottendun libere bene et in pace et quietas ab omni seruicio et exactione seculari Concesserunt etiam dicti abbas et conuentus pro se et successoribus suis dicto Rogero et successoribus suis et ecclesie sue de Ottindun quod acram predictam que iacet ut predictum est ex parte boreali domus ipsius persone quantum in ipsis est uel ad eos pertinet claudere possit una cum ceteris acris propinquioribus curie dicti persone et cum omnibus earum pertinenciis et quod super eisdem acris cum suis pert possit edificare et pro uoluntate sua de eisdem disponere ita quod in ipsis acris nec communam pasture nec aliquid aliud dummodo clause fuerint petere possint Ut igitur ordinatio predicta de partium predictarum assensu per nos facta saluo in omnibus iure Lincolniensis ecclesie matricis etiam ecclesie de Ottindun et vicinarum ecclesiarum et nostra et successorum nostrorum dignitate perpetuam obtineat firmitatem presenti scripto in modum cirographi confecto sigillum nostrum una cum sigillis ipsarum partium duximus apponendum His testibus magistro Rogero de Iakesham Iohanne de Dyam Rogero Blundo capellanis magistris Rogero de Campeden Roberto de Cadenay Rogero de Raueningham Thoma de Askeky Benedicto clerico et aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter