utl logo
UTL Home | Ethiopia Images | Central and Inner Asia Studies

Charter Document - 00330286

Charter Number: 00330286
Cartulary Title: The Cartulary of the Hospital of St. John the Baptist [Oxford]
Charter Language: Latin
Charter Origin: Religious
Charter Type(s): Agreement, Lease
Date: 1285 - 1286
Date Type: Assigned
Resource Link(s): Diplomatics Annotated (brat)
map View Map
Charter:
Hec est conuentio facta inter fratrem Nicholaum magistrum hospitalis sancti Iohannis extra portam orientalem Oxonie et eiusdem loci confratres ex una parte et Agnetam de Yfteleye que fuit quondam uxor Petri de Eya ex altera uidelicet quod predicti magister et fratres de communi consensu concesserunt tradiderunt et dimiserunt predicte Agnete quandam domum ad terminum uite sue quam quidem domum Iohannes Fylekyng solebat inhabitare et sita est in magno uico Oxonie in parochia sancti Petri in oriente inter terram predicti hospitalis ex una parte et terram domini Willelmi uicarii de Elsefeld ex altera habendam et tenendam predictam domum cum pertinentiis suis predicte Agnete quamdiu uixerit de predictis magistro et fratribus libere et in pace reddendo inde annuatim predictis magistro et fratribus quinquaginta solidos sterlingorum ad quatuor anni terminos uidelicet ad Natale Domini duodecim solidos et sex denarios et ad festum beate Marie in Martio duodecim solidos et sex denarios et ad festum Natiuitatis sancti Iohannis Baptiste duodecim solidos et sex denarios et ad festum sancti Michaelis duodecim solidos et sex denarios pro omni seruitio Predicti uero magister et fratres predictam domum custis propriis in omnibus et per omnia sustinebunt hoc excepto quod si per incendium proprii ignis predicta domus uel aliqua pars eiusdem domus combusta fuerit quod absit dicta Agnes proprio custu predictam domum reedificabit et in omnibus reparabit Et si contingat quod predicta Agnes in solutione predicti redditus per dimidium annum defecerit liceat predictis magistro et fratribus sine aliqua contradictione habere ingressum in predicta domo et cuicumque eis placuerit illam tradere inhabitandam Predicti uero magister et fratres predictam domum cum pertinentiis predicte Agnete quamdiu uixerit pro predicto redditu contra omnes mares et feminas warantizabunt defendent et acquietabunt Et ad maiorem huius rei securitatem utraque pars huic scripto ad modum cirographi confecto alternatim sigilla sua apposuerunt Hiis testibus Iohanne Culferd tunc maiore Oxonie Thoma de Sowi et Nicholao Aurifabro tunc balliuis Nicholao de Kyngestune Henrico Oweyn Philippo de O Iohanne de O et multis aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter