Charter Document - 00330355
Charter Number: 00330355
Cartulary Title: The Cartulary of the Hospital of St. John the Baptist [Oxford]
Charter Language: Latin
Charter Origin: Religious
Charter Type(s): Quitclaim
Date: 1263 - 1264
Date Type: Assigned
View Map
Cartulary Title: The Cartulary of the Hospital of St. John the Baptist [Oxford]
Charter Language: Latin
Charter Origin: Religious
Charter Type(s): Quitclaim
Date: 1263 - 1264
Date Type: Assigned
View Map
Charter:
Sciant presentes et futuri quod ego Gunnilda relicta Iohannis de Yfteleia clerici in ligia uiduetate mea et in plena potestate mea remisi et concessi et quietum clamaui et hac presenti carta mea cyrographata confirmaui pro me et heredibus meis in perpetuum deo et beate Marie hospitali sancti Iohannis extra portam orientalem Oxonie et magistro et fratribus ibidem deo et beate Marie seruientibus totum ius meum et clamium quod habui uel quod habere potui uel quod michi aliquo modo possit uel debeat descendere in tota illa terra quam habui de dono Iohannis de Yfteleia clerici ad terminum uite mee que terra est inter terram predicti hospitalis ex una parte et terram que fuit predicti Iohannis ex altera in cymiterio beati Petri orientalis Oxonie pro duabus marcis argenti quas predicti magister et fratres michi dederunt pre manibus habendum et tenendum predictis magistro et fratribus et successoribus suis libere et quiete integre bene et in pace inperpetuum reddendo annuatim michi quamdiu uixero de camera predictorum magistri et fratrum decem solidos argenti ad duos terminos anni uidelicet ad festum beate Marie in Martio quinque solidos et ad festum beati Michaelis quinque solidos Predicti uero magister et fratres concesserunt fideliter michi uel assignato meo ad distringendum uel ad namiandum super terram Willelmi le Frances cum pertinenciis quam idem Willelmus de eis tenet in macecreia Oxonie iuxta terram Hugonis le Hore in parochia Omnium Sanctorum si predicti magister et fratres cessauerint in solucione alicuius termini de terminis prenominatis quin reddant michi uel assignato meo quamdiu uixero predictum redditum In huius rei testimonium predicti magister et fratres et predicta Gunnilda huic scripto in modum cyrographi confecto alternatim sigilla sua apposuerunt hiis testibus Ada Feteplace tunc maiore Oxonie Galfrido de Hencsexeie Willelmo le Spicer tunc prepositis Thoma filio Walteri Waltero Aurifabro Galfrido Aurifabro Nicholao de Kingcstone Iohanne Padi Iohanne Cursi Rogero le Batur Willelmo de Chiltone Waltero Kepeharm Iohanne Filiking Ricardo de Huntendona Stephano le Lyur Ricardo Clerico et aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
