Charter Document - 00330478

Sciant presentes et futuri quod ego Ada Croste dedi concessi et hac presenti carta mea confirmaui pro me et heredibus meis fratribus hospitalis sancti Iohannis extra portam orientalem Oxonie sex solidatas annui redditus quas solebam percipere annuatim de Waltero de Middeltone de quadam domo sita inter domum Henrici Perle ex una parte et domum Galfridi Aurifabri ex altera in parochia beate Marie percipiendos ad quatuor anni terminos scilicet ad festum sancti Thome apostoli octodecim denarios et ad festum sancte Marie in Martio octodecim denarios et ad festum sancti Iohannis Baptiste octodecim denarios et ad festum sancti Michelis octodecim denarios et totum ius quod habui uel habere potui in predicta domo cum pertinentiis habendas et tenendas dictis fratribus et eorum successoribus dictas sex solidatas redditus cum pertinentiis libere quiete bene et in pace reddendo inde annuatim Martino Croste unum denarium ad Pascha pro omni seculari seruitio exactione et demanda Ego uero Adam Croste et heredes mei dictas sex solidatas annui redditus cum pertinentiis dictis fratribus et eorum successoribus contra omnes gentes warantizabimus defendemus et acquietabimus inperpetuum Et si ego Adam Croste et heredes mei illas sex solidatas annui redditus cum pertinentiis dictis fratribus uel eorum successoribus warantizare non poterimus dabimus exscambium dictis fratribus ad ualorem tanti redditus de domo mea sita in parochia Omnium Sanctorum de feodo dictorum fratrum Pro hac autem donatione concessione et warantizatione dederunt michi predicti fratres sex marchas argenti pre manibus Et ut hec mea donatio concessio et carte mee confirmatio rata et stabilis permaneat huic scripto sigillum meum apposui Hiis testibus Ada Feteplace tunc maiore Oxonie Galfrido de Henkesteshe Roberto Molendinario tunc prepositis Oxonie Waltero Aurifabro Galfrido fratre eius Willelmo de Wincestria Alfredo le Spicer Waltero de Middeltone Petro pistore et aliis