Charter Document - 00370136
Charter Number: 00370136
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Grant
Date: 1400
Date Type: Internal, Feast, Regnal
View Map
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Grant
Date: 1400
Date Type: Internal, Feast, Regnal
View Map
Charter:
Omnibus Christi fidelibus hoc presens scriptum indentatum visuris vel audituris ego Thomas Chapman vicarius ecclesie de Stoke Pogeys consanguineus et heres quondam Iohannis de Luffeld bercarij salutem in domino Cum dictus Iohannes de Luffeld bercarius quondam per factum suum dedit deo et ecclesie beate Marie de Luffeld et monachis ibidem deo seruientibus imperpetuum redditum sex denariorum percipiendum annuatim ad festa sancti Michaelis archangeli et annunciacionis beate Marie virginis per equales porciones de vno mesuagio in villa de Silueston situato inter mesuagium quondam Roberti Pogeys ex parte vna et mesuagium quondam Osberti Walronde ex parte altera quod quidem mesuagium predictum cum suis pertinencijs postmodum michi hereditarie accidebat vt consanguineo et heredi predicti Iohannis de Luffeld bercarii Sciatis me prefatum Thomam Chapman dedisse concessisse et hac presenti carta mea confirmasse Iohanni Flore de Standon predictum mesuagium meum cum omnibus terris pratis pascuis pasturis et omnibus alijs pertinencijs suis in Silueston et Abthrop adeo plenaria prout michi hereditarie accidebant Habendum et tenendum predictum mesuagium et terram cum suis pertinencijs prefato Iohanni Flore heredibus et assignatis suis imperpetuum de capitalibus dominis feodi illius per seruicia inde debita et de iure consueta Reddendo inde annuatim priori et conventui dicte domus beate Marie de Luffeld et eorum successoribus imperpetuum dictum annualem redditum sex denariorum ad festa prenotata equis porcionibus ira quod si contingat dictum annualem redditum sex denariorum aretro fore ad aliquem terminorum predictorum non solutum prefatus Iohannes Flore vult et concedit pro se et heredibus suis per presentes quod tunc bene liceat dictis priori et conuentui successoribus et assignatis eorum in predicto mesuagio et pertinenciis suis distringere pro redditu predicto et districciones asportare affugare et retinere quousque de eodem redditu et eius arreragijs eis plenaria fuerit satisfactum Et ego prefatus Thomas Chapman et heredes mei predictum mesuagium et terram cum suis pertinencijs prefato Iohanni Flore heredibus et assignatis suis contra omnes gentes warantizabimus imperpetuum In cuius rei testimonium hijs cartis indentatis sigilla nostra alternatim apposuimus Datum apud Silueston in festo translacionis sancti Thome martiris anno regni regis Henrici quarti post conquestum primo Hijs testibus Iohann Barton Thoma Duraunt Henrico Barton Iohanne Saundres Roberto Aleyn Henrico Michael Iohanne Clavell et alijs
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
