Charter Document - 00370143
Charter Number: 00370143
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1402
Date Type: Internal, Feast, Regnal
View Map
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1402
Date Type: Internal, Feast, Regnal
View Map
Charter:
Sciant presentes et futuri quod ego Willelmus Lambard de Seluest dedi concessi et hac presenti carta mea confirmaui indentata Iohanni Webbe de eadem totum mesuagium meum in Seluestone cum omnibus terris pratis pascuis et pasturis et omnibus alijs pertinencijs suis in campo de Seluestone et Abthropp que quondam fuere domini Thome Chapman vicarij de Stokepogeys ut in carta dicti domini Thome plenius patet Messuagium vero predictum situm est inter messuagium Roberti Pogeys ex parte vna et messuagium quondam Osberti Warlonde ex parte altera Habendum et tenendum predictum messuagium et terras cum omnibus suis pertinencijs prefato Iohanni Webbe heredibus et assignatis suis imperpetuum de capitalibus dominis feodi illius per seruicia inde debita et de me consueta Reddendo inde annuatim priori et conuentui de Luffelde et eorum successoribus imperpetuum annualem redditum sex denariorum ad festum sancti Michaelis archangeli et annunciacionis beate Marie equalibus porcionibus Ita quod si contingat dictum annualem redditum sex denariorum aretro fore ad aliquem terminorum predictorum non solutum prefatus Iohannes vult et concedit pro se et heredibus suis per presentes quod tunc bene liceat dicto priori et conuentui successoribus et assignatis eorum in predicto messuagio et pertinencijs suis distringere pro redditu predicto et districciones asportare effugare et retinere quousque de eodem redditu et eius arreragijs eis plenarie fuerit satisfactum Et ego prefatus Willelmus Lambard et heredes mei predictum messuagium et terris cum pratis pascuis pastura et omnibus alijs pertinencijs suis in villa et campo de Seluestone et Abthropp predictis prefato Iohanni Webbe heredibus et assignatis suis contra omnes gentes warantizabimus imperpetuum In cuius rei testimonium hijs cartis indentatis alternatim sigilla nostra apposuimus Datum apud Seluestone in festo exaltacionis sancte crucis anno regni regis Henrici quarti post conquestum tercio Hijs testibus Ricardo Lambard Petro Gybouns Ricardo Hoker Iohanne Alein et alijs
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
