Charter Document - 00370197
Charter Number: 00370197
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Lease
Date: 1280 - 1290
Date Type: Assigned
View Map
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Lease
Date: 1280 - 1290
Date Type: Assigned
View Map
Charter:
Notum sit omnibus tam presentibus quam futuris quod ego Thomas faber filius Thome carpentarij de Towcestr dedi concessi et ad terminum uite dimisi Dionisio mercatori de Wappenham et Dionisie vxori sue vel cuicumque diutius vixerit pro septem marcis argenti quas michi dederunt premanibus totum illud mesuagium in villa de Towcestre cum omnibus pertinencijs suis quod quidem mesuagium est inter mesuagium Roberti de Heyford et mesuagium Galfridi Colyas et extendit se a curie domini de Towcestr usque regalem viam que vocatur Watlingstrete Habendum et tenendum predictum mesuagium cum omnibus pertinencijs suis aisiamentis et libertatibus de me et heredibus meis predictis Dionisio et Dionisie vxori sue ad totam vitam eorum vel cuicumque eorum diutius vixerit libere quiete bene et in pace et cuicumque dictum mesuagium tradere dimittere vel assignare voluerint dum vixerint reddendo inde annuatim michi et heredibus meis uel meis assignatis quatuor solidos argenti ad quatuor anni terminos videlicet ad Natale domini duodecim denarios ad Pascha domini duodecim denarios ad natiuitatem sancti Iohannis baptiste duodecim denarios et ad festum sancti Michaelis duodecim denarios et faciendo inde capitali domino de Touec omnia seruicia debita et consueta sicut Simon le Marescall facere consueuit pro omnibus alijs secularibus seruicijs et demandis Et si contingat quod predicti Dionisius et Dionisia de predicto redditu ad aliquem terminum in solucione deficerunt et ad predictos terminos plenarie non soluerunt tunc licebit michi vel heredibus meis uel assignatis in dicto mesuagio vel extra districcionem facere et pro uoluntate nostra fugare vel asportare et retinere absque ulla contradiccione uel impedimento predictorum Dionisij et Dionisie vel alicuius alius nomine eorum quousque de predicto redditu michi vel heredibus meis vel meis assignatis plenarie fuerit satisfactum In fine autem termini volo et concedo quod dictum mesuagium cum domibus et omnibus alijs pertinencijs suis post decessum predictorum Dionisij et Dionisie in adeo bono statu sicut illud recepit vel in meliori michi predicto Thome et heredibus meis vel meis assignatis per visum proborum et legalium virorum retradentur Et ego uero predictus Thomas et heredes mei vel assignati totum predictum mesuagium cum omnibus pertinencijs suis aisiamentis et libertatibus predictis Dionisio et Dionisie ad totam vitam eorum vel cuicumque eorum diutius vixerit contra omnes gentes in mundo warantizabimus acquietabimus et ubique defendemus dum vixerint saluo capitali domino de Towecestr predicta seruicia inde debita et consueta In cuius rei testimonium presentibus scriptis in modum cirographi confectis partes alternatim sigilla sua apposuerunt Hijs testibus Rogero Trimenel de Foxcot Nicholao West de eadem Iohanne Iosep de Towcestr Henrico filio Simonis de eadem Willelmo de Hanle Rogero Wint Willelmo Brun Roberto de Heyford Roberto Yue Iordano Bere Iohanno de Caldecot Galfrido Dille Simone Marescalle Ada Breyd Waltero Lupo Henrico clerico et multis alijs
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
