Charter Document - 00370207
Charter Number: 00370207
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1275 - 1290
Date Type: Assigned
View Map
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1275 - 1290
Date Type: Assigned
View Map
Charter:
Sciant presentes et futuri quod ego Iohannes le porter de Wodeborcote dedi concessi quietam clamaui et hac presenti carta confirmaui pro me et heredibus meis priori de Luffeld et monachis ibidem deo seruientibus sex denarios annui redditus quos solebam recipere de messuagio quod Henricus le Hokere quondam tenuit in villa de Towcestr quod messuagium Christiana de Weyfford predictis priori et monachis dedit Habendum et tenendum predictum redditum de me et heredibus meis sibi et successoribus suis libere quiete bene et in pace in perpetuum Reddendo inde annuatim michi et heredibus meis vnum florem rose ad natiuitatem sancti Iohannis baptiste pro omnibus seruiciis secularibus exaccionibus curiarum sectis et demandis que ullo modo uel ullo iure uel aliquo casu contingente exigi poterunt Et ego uero predictus Iohannes et heredes mei predictum redditum cum messuagio contra omnes gentes warantizabimus acquietabimus et ubique defendemus in perpetuum Vt autem hec mea donacio concessio quieta clamancia presentes scripti confirmacio perpetuum robur optineant huic presenti scripto sigillum meum apposui in testimonium Hiis testibus Ricardo de la Wodehall Iohanne Iosepp de Towcestr Henrico Tere de eadem Henrico Baldeuin de eadem Galfrido Thorwile de Northon Galfrido de Ipres de Witlebur Ricardo Auuerey et aliis