Charter Document - 00461184

In Dei nomine Amen anno ab incarnatione ejusdem mccc sexto secundum cursum et computationem Ecclesie Anglicane Indictione quinta decimo tertio die mensis Januarii Constitutus personaliter in presentia mei notarii infrascripti pupplici et testium subscriptorum Discretus vir Dominus Johannes de Dinington canonicus ecclesie Beati Johannis Beverlacensis fecit ordinavit et constituit Reverendum virum Magistrum Johannem de Nassington concanonicum suum procuratorem suum Ad comparendum pro ipso in Capitulo Beverlacensi die Mercurii proxima post Dominicam in medio Quadragesime videlicet octavo die mensis Martii cum continuatione et prorogatione dierum et ad tractandum cum ceteris canonicis ibidem et ad consentiendum quibuscunque ordinationibus factis vel faciendis per venerabilem patrem Dominum Willelmum permissione divina Eboracensem Archiepiscopum Anglie primatem vel Capitulum antedictum Promittens se ratum et firmum habiturum quicquid per dictum procuratorem actum gestum seu procuratum fuerit in premissis Data erant hec predicta apud Eboracum in camera hospitii Magistri Johannis de Nassington predicti sub anno indictione et mense prenotatis presentibus Domino Gilberto de Yarewell rectore ecclesie de Gereford et Philippo de Stilinton testibus ad premissa vocatis specialiter et rogatis Et ego Walterus de Yarewell clericus Lincolniensis dioeceseos sacrosancti Romani imperii pupplicus auctoritate notarius premissis omnibus et singulis [] scribitur una cum dictis testibus presens interfui eaque manu mea propria scripsi et in hanc publicam formam redegi meoque signo et nomine signavi rogatus Dictorum procuratoriorum copia reperietur in cophino de anno Domini millesimo ccc sexto