Charter Document - 00490790

Universis sancte matris ecclesie filiis ad quorum noticiam presentes littere pervenerint Rogerus divina permissione abbas Cirencestr[] et eiusdem loci conventus salutem in Domino Noveritis quod cum lis mota esset inter abbatissam sancte Marie Wynton[] et conventum ex parte una et nos ex altera coram officiali domini episcopi Sar[] super annua pensione viginti et sex solidorum sibi a nobis debita ut asserebant racione quarumdam decimarum quas in parochia de Hakeborn[] de dominico domini Willelmi de Wyndelsore aliquando perceperunt tandem dicta lis inter dictos abbatissam et conventum et nos amicabiliter conquievit in hunc modum quod nos in posterum pro omnibus exaccionibus et demandis hincinde factis tenemur bona fide solvere ipsis abbatisse et conventui vel suo certo assignato singulis annis imperpetuum sine dolo et fraude qualibet viginti solidos sterlingorum nomine pensionis apud Avebur[] Sar[] diocesis in ecclesia nostra ibidem ad duos anni terminos videlicet ad Nativitatem sancti johannis Baptiste vel in octabis decem solidos et in Nativitatem Domini vel in octabis decem solidos quod si contingat nos in solucione dicte pensionis in aliquo termino cessare quod absit et predictos abbatissam et conventum occasione huiusmodi cessacionis aliqua dampna incurrere seu expensas facere nos eisdem omnia dampna et expensas sine strepitu judiciali tenemur resartire et refundere super quibus stabitur et credetur juramento procuratorium eorundem sine alterius onere probacionis Et ad majorem huius rei securitatem subicimus nos cohercioni et jurisdiccioni officialis domini episcopi Sar[] qui pro tempore fuerit quod possit nos compellere sine strepitu judiciali per quamcumque censuram ecclesiasticam quam sibi viderit melius expedire ad observationem omnium et singulorum predictorum renunciantes insuper omni privilegio impetrato seu impetrando et omni excepcioni cavillacioni et omni juris remedio tam canonico quam civili que possent contra hoc instrumentum obici vel que possent eis obesse et non prodesse In cuius rei testimonium robur fidem et firmitatem presenti scripto in modum cirographi confecto nos et dicte moniales mutuo hincinde sigilla nostra apposuimus Hec sunt acta apud Marleberg[] die dominica proxima ante proxima ante festum sancti Gregorii pape anno Domini millesimo cc sexagesimo