utl logo
UTL Home | Ethiopia Images | Central and Inner Asia Studies

Charter Document - 00630390

Charter Number: 00630390
Cartulary Title: Carte Nativorum, a Peterborough Abbey Cartulary
Charter Language: Latin
Charter Origin: Religious
Charter Type(s): Inquest
Date: 1291 - 1292
Date Type: Internal, Feast, Regnal

map View Map
Charter:
Inquisicio capta apud Tynewell die Sabbati in crastino Sancti Pauli Conuersionis anno regni regis e[dwardi] uicesimo per sacramentum subscriptorum uidelicet Walteri atte Ston Petri filii Roberti Petri in uenella Simonis ad crucem Petri atte Grene Hugonis Broun Thome filii Leticie Ricardi de Tykyncote Nicholai Boleman Henrici Longeto Thome Alwyne et heredibus de Clopton iuratorum qui dicunt per sacramentum suum quod quidam Willelmus Gressop de Ingethorp natiuus abbatis de Burgo Sancti Petri adquisiuit de priorissa Sancti Michaelis extra Staunford et eiusdem loci conuentu xviij acras terre arabilis et unam acram et dimidiam prati in Staunford sibi et heredibus suis Dictus uero Willelmus de uxore sua quam duxit genuit quatuor filios et unam filiam nomine Edusam et dictam terram dicte Eduse dedit Mortuo dicto Willelmo uenit quidam Gilbertus Prudhomme de Empyngham et duxit in uxorem Edusam predictam de qua idem Gilbertus genuit duas filias Emmam uidelicet et Margeriam inter quas dicta terra et pratum post mortem dictorum Gilberti et Eduse tanquam inter heredes dicte Eduse partita fuit Postea uenit quidam Walterus in le Westlane de Ingethorp natiuus abbatis et dictam Emmam filiam dictorum Gilberti et Eduse primogenitam duxit in uxorem de qua idem Walterus genuit unum filium Johannem nomine et unam filiam Wymarcam nomine Idem Johannes filius dicti Walteri fere uiginti annis transactis transiuit mare necdum rediit propter quod creditur quod iam mortuus est Postea uenit quidam Simon filius Margerie de Ingethorp natiuus abbatis et dictam Wymarcam filiam dictorum Walteri et Emme duxit in uxorem tamen ante matrimonium solempnizatum idem Simon genuit de dicta Wymarca quendam filium nomine Henricum qui eciam ante matrimonium predictum natus est et post matrimonium predictum idem Simon de dicta Wymarca genuit quandam filiam que mortua est Dicta uero Margeria soror Emme predicte et filia supradictorum Gilberti et Eduse desponsata fuit cuidam Henrico ad crucem de Ingethorp natiuo abbatis Et idem Henricus et Margeria qui adhuc superstites sunt uenerunt et medietatem terre predicte que est in manu domini tanquam ius dicte Margerie uxoris sue petunt pro eo quod Emma soror sua sine herede de se obiit ut predictum est Postea idem Henricus et Margeria uxor sua totum ius et clamium in plena curia in manus domini abbatis ad opus Ricardi filii eorum reddiderunt soluendum per annum domino abbati iij s Unde ij s soluentur priorisse Staunford[] per manum prepositi de Tynewell qui pro tempore fuerit ut prius
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter