Charter Document - 00640038
Charter Number: 00640038
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Confirmation
Date: 1160 Circa
Date Type: Assigned
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Confirmation
Date: 1160 Circa
Date Type: Assigned
View Map
Charter:
R Dei gratia London episcopus dilectis sibi in Domino universis sanctae matris ecclesiae filiis ad quos praesentes literae pervenerint salutem quae nunc est et quam speramus in Domino Quae ad ecclesiarum utilitatem et carum perpetuam tranquillitatem stabilita sunt his assensu[m] praebere et ut in perpetuum valitura permaneant haec scriptis et munimentis aliis roborare caritate id proculdubio suggerente debemus Ea propter universitati vestrae praesenti scripto notificamus causam quae vertebatur inter Reginaldum clericum de Campo Florido et abbatem de Monteburgo et Willelmum clericum jam dicti abbatis super ecclesia de Porestok nobis a domino Papa delegatam hoc tandem modo conquievisse Partibus siquidem statuto sibi die in nostra praesentia constitutis jam dictus Reginaldus se memoratam ecclesiam de Porestoke praesentatione Roberti de Arundel ejusdem quondam ecclesiae advocati per manum bonae memoriae Rogeri Sarum quondam episcopi canonice adeptum ipsam diutius possedisse et ea se postmodum violenter ejectum fuisse constanter asseverabat postulans ut eorum quae dicebat probationem admitteremus et ipsi praefatae ecclesiae possessionem juxta mandatum domini Papae restitui faceremus Jam dicti vero abbatis procuratores quos ad hoc ad nos direxerat et praefatus Willelmus clericus qui praesens aderat peremptoriam sibi incontinenti exceptionem opponentes injuste sibi [de] praenominata ecclesia de Porestoke a jam dicto Reginaldo moveri controversiam asserebant proponentes quod cum Elmero ejusdem ecclesiae quondam persona super hac eadem ecclesia in praesentia Adelmi Dorsetiae archidiaconi ex mandate domini Sarum episcopi jampridem mota fuisset controversia Idem Reginaldus juri siquid unquam in eadem ecclesia habuerat in ipsius archicdiaconi et totius capituli praesentia sponte renunciavit et se nunquam super ecclesia hac moturum controversiam fidei interpositione firmavit Nobis itaque super his quae ab eis dicebantur tam scripto ipsius archidiaconi quam viva voce testium omni exceptione majorum fide sufficienter facta menioratum abbatem de Monteburgo et saepedictum Willelmum a jam dicti Reginaldi petitione auctoritate domini Papae qua in hoc sancimus negotio absolvimus et eidem Reginaldo super ejusdem ecclesiae repetitione silentium perpetuum imposuimus Reginaldus vero ea quae super refutatione a se facta dicebantur ad memoriam revocans procedens in medium liti huic in perpetuum sponte renunciavit et se nunquam de caetero monachis de Monteburgo vel Willelmo clerico vel successoribus ejus super ecclesia de Porestok moturum controversiam tactis sacrosanctis evangeliis firmissime repromisit Ne igitur quod actum est in dubium aut in irritum revocari possit in posterum id ipsum praesentis scripti testimonio et sigilli nostri appositione communire et ea quae in hoc functi sumus negotio auctoritate confirmare curavimus Valete
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
