Charter Document - 00640117
Charter Number: 00640117
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Declaration
Date: 1219 Circa
Date Type: Assigned
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Declaration
Date: 1219 Circa
Date Type: Assigned
View Map
Charter:
Omnibus Christi fidelibus ad quos presens scriptum pervenerit Ricardus divina permissione Sarum ecclesie minister humilis salutem eternam in Domino Cum dudum venerabilis patris sancte memorie Osmundi Sarum episcopi et ejusdem loci capituli unanimi ac deliberato consilio fuerat constitutum quo magister episcopus qui pro tempore esset tanquam unus canonicus ad secreta capituli admitteretur obtineret prebendam unam cum episcopatu et sic hactenus approbata consuetudine fuerit obtentum cum eadem prebenda in incertis portionibus consisteret utpote in oblationibus que in Pentecoste solent ad majus altare Sarum deferri precedente tempore a nobis et ab eodem capitulo cauta deliberatione provisum fuit quod eidem episcopatui certa videlicet prebenda de Hortun adnecterentur nullo tempore ab eodem separanda Ne scilicet predicta constitutio ludibrio esset aliquibus aut in cassum cederet vel ad modicum saltem tempus episcopus prebenda careret ut ullatenus a secretis capituli excluderetur et ne processu temporis cujuscunque maligna interpretatione vel sede vacante vel episcopo vivo presidente posset predicte constitutionis vigor evacuari nos una cum capitulo jam dicto solemnem excommunicationem protulimus in omnes eos qui hanc nostram et capituli constitutionem futuris temporibus presumpserint violate Ut etiam ista constitutio futuris temporibus rata permaneat et inconcussa eam sigilli nostri et sigilli capituli appositione fecimus communiri
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
