Charter Document - 00640150

Henricus Dei gratia rex Angliae dominus Hiberniae dux Normanniae [et] Aquitaniae et comes Andegaviae venerabili patri Ricardo eadem gratia episcopo Sarum salutem Cum propter urgentia negotia nostra domiuus papa Honorius III archiepiscopis et episcopis regni nostri per literas apostolicas dedisset in mandatis ut clerum Angliae sibi subditum monerent diligenter et inducerent quod de beneficiis suis competens auxilium caritative nobis facere deberent ad conservationem pacis ecclesiasticae et regni nostri clerus praefatus ad faciendum praemissa pia devotione inductus liberaliter concessit et benigne sextamdecimam partem beneficiorum suorum secundum aestimationem competentem unius anni factam scilicet tempore quo collecta fuit vicesima in succursum Terrae Sanctae nobis per manus suas proprias collectam largiri ita tamen quod ex hac gratia gratis et liberaliter tunc nobis impensa processu temporis ecclesiis vel ecclesiasticis personis seu beneficiis nullum posset aliquatenus prejudicium generari Nos igitur uolentes occasione gratiae et liberalitatis nobis ut praemissum est affectu favorabili impensae ecclesiae Dei archiepiscopis vel episcopis aliisve prelatis clericis aut ecclesiasticis seu religiosis viris vel ecclesiasticis possessionibus quibuscunque vel feodis vel hominibus eorum praejudicium aut gravamen aliquod aliquo tempore generari nec similem praestationem trahi posse in consuetudinem vel debitum praesentibus literis nostris cum multiplici gratiarum actione protestamur beneficium taliter nobis collatum ex sola liberali gratia cleri processisse nec id a nobis vel haeredibus nostris occasione vel exemplo tali in debitum vel consuetudinem trahi posse Et in hujus rei testimonium has literas patentes fieri fecimus Teste meipso apud Westmonasterium xx die Octobris anno regni nostri x Dat[um] per manum venerabilis patris R[adulfi Nevill] Cycestrensis episcopi et cancellarii nostri coram H[uberto] de Burgo justitiario nostro Jocelino Bathoniensi et Ricardo Sarum episcopis