Charter Document - 00640158

Henricus Dei gratia rex Angliae dominus Hyberniae dux Normannum Aquitaniae et comes Andegaviae archiepiscopis episcopis abbatibus prioribus comitibus baronibus justitiariis vicecomitibus praepositis ministris et omnibus ballivis et fidelibus suis salutem Sciatis nos intuitu Dei et pro salute animae nostrae et antecessorum et haeredum nostrorum concessisse Deo et ecclesiae Sanctae Mariae Novae Sarum et venerabili patri Ricardo ejusdem ecclesiae episcopo et successoribus suis omnia amerciamenta de omnibus hominibus terris et feodis ejusdem episcopi et de decano et omnibus canonicis ecclesiae Sarum et de omnibus hominibus et terris et feodis eorundem quae amerciamenta ad nos vel ad haeredes nostros vel ad vicecomites vel constabularios vel ad alios ballivos nostros pertinere possent si praedicta amerciamenta episcopo et successoribus suis non concessissemus Et volumus quod idem episcopus et successores sui habeant plenam potestatem ad distringendum omnes praedictos ad praedicta amerciamenta sibi reddenda Et prohibemus super forisfacturam nostram ne quis de praedictis amerciamentis colligendis vel recipiendis sive districtione ob hoc facienda nisi per voluntatem episcopi aut successorum suorum se imtromittat Concessimus etiam eidem episcopo et successoribus suis quod si aliquis hominum de terris vel feodis suis vel praedictorum decani et canonicorum vel hominum suorum pro delicto suo vitam vel membrum debeat amittere vel fugere et judicio stare noluerit vel aliquodcunque delictum fecerit pro quo debeat catalla perdere ubicunque de eo justitia fieri debeat sive in curia nostra sive in alia curia omnia catalla siut illius episcopi et successorum suorum Et liceat eidem episcopo et successoribus suis sine omni disturbatione vicecomitum et quorumcunque ballivorum nostrorum et aliorum ponere se in seysinam de praedictis catallis in praedictis casibus et aliis quando ballivi nostri si catalla illa ad nos pertinerent ea in manu nostra seysire possent et deberent Concessimus praeterea praefato episcopo et successoribus suis quod nullus vicecomes vel constabularius vel alius ballivus noster habeat posse vel ingressum in praedictis terris feodis et hominibus praedicti episcopi et successorum ejus et dictorum decani et canonicorum et successorum eorum sed totum pertineat ad supradictum episcopum et successores suos et eorum ballivos praeter attachiamenta de placitis coronae Et volumus quod supradictus episcopus et successores sui sint in perpetuum quieti de omnibus escapiis latronum et omnium aliorum prisonum Concessimus etiam memorato episcopo et successoribus suis quod habeant singulis septimanis in perpetuum unum mercatum in manerio suo de Sunninge apud Wokingham per diem Martis et unum mercatum qualibet septimana in perpetuum in manerio suo de Remmesbire per diem Martis cum omnibus libertatibus et liberis consuetudinibus ad hujusmodi mercata pertinentibus nisi sint ad nocumentum vicinorum mercatorum Concessimus insuper praenominato episcopo et successoribus suis quod episcopi et decani et canonici Sarum et successores sui et omnes homines eorum et de omnibus feodis suis sint quieti in perpetuum de theloneo per totam terram nostram et de sectis scyrarum et hundredorum et de operationibus castellorum et de omnibus aliis operationibus Praeterea concessimus saepedicto episcopo et successoribus suis quod licet processu temporis aliqua libertatum eis a nobis concessarum quocunque casu contingente usi non fuerint ea nihilominus libertate praedicta utantur absque omni contradictione non obstante eo quod aliquo casu contingente ea usi non fuerint Omnes autem libertates praedictas et liberas consuetudines et quietancias concessimus pro nobis et haeredibus nostris et praesenti carta confirmavimus Deo et ecclesiae Sanctae Mariae Novae Sarum et supradicto episcopo et successoribus suis in liberam puram et perpetuam elemosinam Quare volumus et firmiter precipimus quod ipsi ita eas habeant et teneant in perpetuum et praedictus decanus et canonici Sarum et successores eorum et omnes homines et terrae et feoda eorum et omnes homines de feodis illis et terrae et alia feoda ipsius episcopi et omnes homines de feodis illis habeant praedictas libertates et liberas consuetudines et quietancias bene et in pace integre et plenarie in omnibus rebus et locis sicut praedictum est His testibus Jocelino Bathoniensi episcopo Luca capellano decano Sancti Martini London Huberto de Burgo comite Cantiae justiciario nostro Willelmo de Albrincis Waltero de Evermue [W de Stutevyl Petro filio Herberti Alano Basset Radulfo filio Nicholai seneschallo nostro] Waltero de Prestone Roberto de Ambervill Dat[um] per manum venerabilis patris Radulfi Cycestr episcopi cancellarii nostri xxiii die Martii anno regni nostri undecimo