Charter Document - 00640163

Omnibus sanctae matris ecclesiae filiis ad quos praesens scriptum pervenerit Ricardus divina permissione Sarum ecclesiae minister humilis salutem aeternam in Domino Attendentes id praesertim bene et competenter agi quod ad augmentandum cultus [dei] et ob remedium indigentium impenditur animarum ad instantiam dilecti filii Willelmi de Merton archidiaconi Berkesyre et personae de Ferendone de unanimi assensu et voluntate decani et capituli ecclesiae Sarum ad honorem Sanctae et Individuae Trinitatis et beatae Virginis et omnium sanctorum Dei et pro salute omnium fidelium animarum ordinavimus statuentes quod in dicta ecclesia de Ferendone de futuris ac perpetuis temporibus quatuor sint sacerdotes vicarius videlicet perpetuus qui de bonis vicariae ipsi assignatae secum habeat unum sacerdotem sibi commensalem ecclesiae et capellae de Cokeswell prout moris est et dudum existit honeste deserviturus vicaria contentus quam assignaverat bonae memoriae Willelmus de Teyle ejusdem ecclesiae persona Sarum canonicus Duo reliqui sacerdotes centum solidos habeant annuos de oblationibus et proventibus ejusdem ecclesiae utrique scilicet quinquaginta solidi Quorum unus missam de sancta Maria cum nota alius missam pro fidelibus defunctis similiter cum nota saltem in anniversario nostro et Willelmi archidiaconi perpetuis temporibus celebrabit Omnes autem quatuor cotidie conveniant ad omnes horas canonicas et ad missam de die induti superpellicio et capa clausa nigra more clericorum Sarum ecclesiae vicario cum uno eorum ex una parte chori et aliis duobus capellanis in altera parte chori locis convenientibus decenter consistentibus Communiter etiam dicant dicti sacerdotes horas de beata Virgine item Placebo et Dirige cotidie in choro praeterquam in festis novem lectionum quibus diebus festivis dicant Placebo et Dirige voce submissa ante altare beatae Virginis ubi celebranda sunt divina de sancta Maria et pro defunctis Ibidem etiam integre dicant singulis diebus commendationem antequam dicatur missa pro fidelibus Sacerdotes autem qui de sancta Maria et pro fidelibus defunctis celebraturi sunt in diebus dominicis et in majoribus solemnitatibus statim post lectum evangelium solemnis missae de die accedant ad altare beatae Virginis celebraturi Porro si memoratis sacerdotibus aliquid a quocunque parochianorum de Ferendone donatum fuerit vel legatum post legatum ecclesiae personae et vicarii illud una cum centum solidis sibi assignatis libere percipiant inter se communicandum Quod si alteruter duorum capellanorum decedat vel ex causa cedat vel recedat alter ei a persona dictae ecclesiae infra mensem substituatur Alioquin si deses fuerit episcopus vel capitulum si episcopus postquam ad ejus pervenerit notitiam per alium mensem facere hoc omiserit presbyterum defuncto substituat competentem quamdiu honeste conversatus fuerit et servitium cui deputatus est bene fecerit non amovendum Ut autem ordo certus et competens in collectis dictarum missarum observetur cura sollicita et cauta diligentia cum deliberatione praevia statuimus quod in missa beatae Virginis prima sit oratio Concede nos famulos [] vel alia quae tempori congruat vel festivitati secunda Deus qui corda fidelium tertia pro nobis et memorato archidiacono Willelmo dum vixerimus Omnipotens sempiterne Deus miserere famulis tuis post decessum autem nostrum Deus cujus misericordiae non est numerus vel Deus qui inter apostolicos sacerdotes pontificali vel sacerdotali ordine et loco competenti dicenda quarta pro omnibus parochianis benefactoribus parentibus et amicis ipsius archidiaconi vivis Praetende Domine famulis tuis dextram sexta interseratur loco competenti a celebrante pro defuncto vel pro defunctis pro arbitrio celebrantis septima generalis Pietate tua vel alia competens In missa autem pro defunctis prima pro anima mea et dicti Willelmi archidiaconi Deus qui inter apostolicos sacerdotes pontificali seu sacerdotali secunda specialiter pro anima ipsius Willelmi archidiaconi Deus cujus misericordiae non est numerus vel Quaesumus Domine pro tua pietate tertia specialiter pro omnibus canonicis et vicariis Sarum ecclesiae et ecclesiae de Ferendone defunctis Deus veniae largitor quarta pro animabus quiescentium in cimiterio de Ferendone Deus cujus miseratione quinta pro omnibus parochianis ipsius archidiaconi et Sarum ecclesiae quandocunque et quocunque loco defunctis et pro omnibus benefactoribus antecessoribus successoribus parentibus amicis Inclina Domine aurem tuam vel Omnipotens sempiterne Deus cui nunquam vel Fidelium Deus omnium conditor sexta interseratur loco et ordine competenti a celebrante quam elegerit septima generalis Pietate tua vel alia competens Faciant autem omnes sacerdotes praedicti fidelitatem cum admissi fuerint personae de Ferendone qui pro tempore fuerit quod de his quae ad ipsum pertinent nihil usurpabunt sibi nec partem ipsius in aliquo facient deteriorem ob gratiam vel favorem aliquorum vel sui commodi causa et quod officium modo supradicto fideliter adimplebunt Quod ut futuris temporibus firmum et stabile perseveret praesenti scripto sigillum nostrum et sigillum capituli nostri apponi fecimus Dat[um] apud Sarum per manum Valentini clerici nostri v nonas Octobris pontificatus nostri anno undecimo His testibus dominis w[illelmo de Wanda] decano Sarum Rogero praecentore Roberto [de Hertford] cancellario Edmundo thesaurario sancto ecclesiae Sarum Stephano [de Tissebure] archideacono Wiltescyre magistro Elia de Derham magistro Luca magistro Henrico Tessun magistro Henrico de Sancto Edmundo magistro Willelmo do Lincolnia magistro Thoma de Ebeleche magistro Rogero de Wrth magistro Willelmo de Lori Ricardo de Maupodre Rogero succentore Willelmo de Leicestre Thoma de Sancto Martino Petro Picoyt canonicis Sarum et multis aliis