Charter Document - 00640164
Charter Number: 00640164
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Agreement, Settlement
Date: 1227
Date Type: Internal, Regnal
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Agreement, Settlement
Date: 1227
Date Type: Internal, Regnal
View Map
Charter:
Haec est concordia facta anno regni regis Henrici filii regis Johannis undecimo inter Willelmum [de Wanda] decanum et capitulum Sarum ex una parte et Ricardam Archer de Farleye ex altera scilicet cum lis mota esset per praedictum decanum et capitulum contra praedictum Ricardum per breve de nova disseisina coram justitiariis domini regis tunc itinerantibus apud Wilton de duabus purpresturis factis per eundem Ricardum in communi pastura villae de Farleye scilicet in illa parte pasturae quae dicitur Brandehell quis extendit in Lutteswell et in alia parte quae dicitur Adamesgore praedictus Ricardus fecit homagium praedictis decano et capitulo de praedictis purpresturis reddendo inde annuatim ipse et haeredes sui praedictis decano et capitulo duos solidos sterlingorum ad duos anni terminos scilicet ad Natale Domini duodecim denarios ad nativitatem sancti Johannis Baptistae duodecim denarios ita etiam quod dictus Ricardus vel haeredes sui non possint de caetero aliquam purpresturam facere vel fossatum levare in communi pastura de Farleye sine licentia et assensu decani et capituli Sarum Et si praedictus decanus et capitulum velint aliquam purpresturam facere vel aliquod fossatum levare de terris suis in praedicta villa de Farleye praedictus Ricardus vel haeredes sui non poterint contradicere vel impedire Haec omnia saepedictus Ricardus juravit tactis sacro sanctis Evangeliis pro se et haeredibus suis fideliter in perpetuum observanda Et si forte dictus Ricardus vel haeredes sui huic concordiae et juramento velint resistere subjecit se dictus Ricardus pro se et haeredibus suis coercioni decani et capituli Sarum Et ut haec conventio inviolabiter et inconcusse in posterum observetur utraque pars eidem in modum cyrographi compositae sigilla sua apposuit His testibus W decano Sarum magistro R praecentore magistro R de Hertford cancellario magistro E de Derham Ricardo de Grymsted Odone de Grymsted militibus Ricardo de Laverstoke Ricardo de Meleford et aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
