Charter Document - 00640168
Charter Number: 00640168
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Royal
Charter Type(s): Final Concord
Date: 1228
Date Type: Internal, Feast, Regnal
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Royal
Charter Type(s): Final Concord
Date: 1228
Date Type: Internal, Feast, Regnal
View Map
Charter:
Haec est finalis concordia facta in curia domini regis apud Westmonasterium a die Paschae in quindecim dies anno regni regis Henrici filii regis Johannis duodecimo coram Martino de Patishull archidiacono North[folciae] Stephano de Segrave Willelmo filio Warini Willelmo de Insula justitiariis et aliis domini regis fidelibus tunc ibi praesentibus inter Ricardum Sarum episcopum quaerentem per magistrum Eliam de Derham positum loco suo ad lucrandum vel perdendum et Baldewinum filium Dispensatoris deforciantem de duabus carucatis terrae cum pertinentiis in W[o]ttune quas idem Baldewinus clamavit versus Philippum de W[o]ttune in comitatu Dorcestriae per breve domini regis de recto et unde idem Baldewinus postea remisit eidem episcopo de consensu ipsius Philippi totum jus quod habuit in eadem terra cum pertinentiis per conventionem inter eos inde factam sicut idem episcopus dixit et unde idem Baldewinus non cognovit conventionem illam et unde placitum conventionis factae summonitum in eadem curia scilicet quod praedictus Baldewinus remisit et quietum clamavit de se et haeredibus suis praedicto episcopo et successoribus suis et ecclesiae suae Sarum totum jus et clamium quod [habuit] in tota praedicta terra cum pertinentiis in perpetuum Et pro hac remissione quieta clamantia fine et concordia idem episcopus dedit et concessit praedicto Baldewino duas hydas terrae cum pertinentiis in Heureling[ton] scilicet totam terram cum pertinentiis quam idem episcopus prius habuit in eadem villa habendum et tenendum praedicto Baldewino et haeredibus suis de praedicto episcopo et successoribus suis et ecclesia sua Sarum in perpetuum reddendo inde xx solidos sterlingorum ad quatuor terminos scilicet ad Natale v solidos ad Pascha v solidos ad nativitatem Sancti Johannis Baptistae v solidos ad festum Sancti Michaelis v solidos et faciendo forinsecum servitium quantum ad praedictam terram pertinet pro omni servitio et exactione Et praeterea idem episcopus recognovit et concessit unam virgatam terrae cum pertinentiis in Wichok quam idem Baldewinus prius tenuit esse jus ipsius Baldewini habendum et tenendum eidem Baldewino et haeredibus suis de praedicto episcopo et successoribus et ecclesia sua Sarum in perpetuum faciendo forinsecum servitium quantum ad praedictam terram pertinet pro omni servitio et exactione
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
