Charter Document - 00640210
Charter Number: 00640210
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Grant
Date: 1236
Date Type: Internal, Calendar, Episcopal
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Grant
Date: 1236
Date Type: Internal, Calendar, Episcopal
View Map
Charter:
Universis sancte matris ecclesie filiis ad quos presens scriptum pervenerit Robertus miseratione divina Sarum ecclesie minister humilis salutem eternam in Domino Ad universitatis vestre notitiam volumus pervenire nos volentes gratiam ab illustri rege Anglie Henrico filio regis Johannis venerabili predecessori nostro Ricardo tunc Sarum episcopo et successoribus suis pie et laudabiliter factam de amerciamentis decani et omnium canonicorum ecclesie Sarum et omnium hominum suorum et terrarum et feodorum eorundem et commune sue coram justitiariis itinerantibus provenientibus et de catallis fugitivorum suorum et omnium hominum suorum qui pro delicto suo vitam vel membra debeant amittere vel fugerint et judicio stare noluerint vel aliud quodque delictum fecerint pro quo debeant catalla perdere que ad dominum regem vel heredes suos vel ad vicecomitem vel constabularios vel forestarios vel ad alios ballivos suos pertinere possent in pios et salubres usus convertere ipso domino rege affectante decano et capitulo nostro consentiente et approbante pro salute anime nostre et successorum nostrorum dedisse concessisse et hac presenti carta nostra confirmasse in perpetuum pro nobis et successoribus nostris omnia prefata amerciamenta et catalla sicut predictum est fabrice ecclesie Sarum et ad sustentationem et conservationem ejusdem fabrice adeo integre et libere sicut memorato episcopo Ricardo et successoribus suis per cartam ipsius domini regis Henrici sunt concessa Ita quidem quod predicta amerciamenta et catalla per decanum et capitulum Sarum salvo colligantur et ad predictos usus sine difficultate liberentur vel demum per episcopum qui pro tempore fuerit si predicti decanus et capitulum negligentes et remissi inveniantur salvo colligantur et in prefatos usus tradantur Ita tamen quod nullus canonicus in dignitate vel extra constitutus cum executio predictorum fuerit facienda subterfugiat vel occasiones querat quominus predicta executio compleatur Et in hujus concessionis majorem certitudinem die Veneris proxima ante Cathedram Sancti Petri pontificatus nostri anno vii unam marcam argenti de predictis amerciamentis et catallis receptam in majori ecclesia Sarum super majus altare gratis et liberaliter obtulimus tunc ibidem presentibus domino Willelmo decano magistris Rogero precentore Roberto [de Hertford] cancellario Willelmo [de Preston] archid Berksyre Ada sub decano Rogero succentore Roberto de Lexintone Nicholao de Wadinham Radulfo de Govishale tunc officiali Thoma de Eblesburne Ricardo de Cnolle Henrico Tessun Elia de Derham Galfrido penitentiario Henrico de Sancto Edmundo Stephano de Mannecestre Willelmo de Len dominis Will de Cumbe Elia Ridel ejusdem ecclesie canonicis Dat apud Poterne per manum Walteri de la Wile capellani nostri tertiodecimo kal Martii pontificatus nostri anno septimo
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
