Charter Document - 00640215

Notum sit omnibus ad quos praesens scriptum pervenerit quod cum ex parte magistri Willelmi de Merton decani Wellensis rectoris ecclesiae de Ferendone quaedam decimas et obventiones provenientes de terris quae fuerunt Everardi de Marisco et Walteri Thorp et Ivel et Ades fabri et Idae viduae devolutis ad manus abbatis et monachorum de Stanlege ratione ecclesiae suae de Ferendone praebendae Sarum ad cum spectantes a praedictis abbati et monachis peterentur tandem inter eos bonis viris mediantibus amicabilis compositio intervenit videlicet quod dicti abbas et conventus de praedictis terris quatuor decem videlicet virgatis terrae cum pertinentiis decimas garbarum omnium et feni tantum una cum pensione annua duarum marcarum et dimidiae pro omnibus decimis et obventionibus quae exigi possunt vel poterunt ecclesiae de Ferendone integerrime persolvent quamdiu eas in manibus tenuerunt Praedictas autem duas marcas et dimidiam persolvent ad duos anni terminos ad Natale scilicet xvi sol et viii denar et ad festum S Johannis Baptistae sequens xvi sol et viii denar Quod si forte contigerit quod dicti monachi terras praedictas in toto vel in parte ad feudum vel ad firmam temporalem vel perpetuam tradiderint dicta ecclesia decimas et obventiones a firmariis et feudotariis integre percipiet quamdiu dicti firmarii vel feudotarii illas terras in manibus suis tenuerint et monachi interim ab annua solutione dictae pecuniae pro modo quantitatis terrarum ad firmam vel ad feudum traditarum per aestimationem legalium virorum cessabunt Cum vero ad manus dictorum monachorum cessante firma vel feudo praedictae terrae redierint decimas garbaram et feni una cum pensione duarum marcarum et dimidiae pro omnibus decimis et obventionibus quis de praedictis terris exigi possint vel poterint persolvent Sique vero terrae rusticorum vel libere tenentium post istam compositionem ad manus monachorum devenerint aliae a praedictis quinque virgatis terrae cum pertinentiis quae fuerunt Idae viduae quas nunc tenet Ricardus filius ejus de praedictis monachis et per consequens quinquennium ad firmam tenebit de illis similiter dabunt decimas garbaram omnium et feni et pro minutia decimis et obventionibus de terris illis provenientibus modo praetaxato secundum quantitatem terrarum memoratarum dicti monachi ecclesiae de Ferendone satisfacient Et sciendum quod per dictum quinquennium de praedictis quinque virgatis terrae cum pertinentiis percipiet ecclesia de Ferendone integre decimas et obventiones a praedicto Ricardo vel ejus assignato et nihilominus solvent monachi integre pensionem duarum marcarum et dimidiae per idem quinquennium Et si forte contingat quod post praedictum quinquennium dederint praefati monachi ad firmam vel feudum praedictam terram quae fait Idae vel aliquam aliam praenominatarum xiiii virgatarum decrescet pensio duarum marcarum et dimidiae secundum quantitatem terrae ad firmam vel ad feudum traditae sicut praedictum est Stabunt igitur praemissa et robur perpetuae firmitatis obtinebunt priore nihilominus compositione quae inter praedictos magistrum Willelmum de Mertone ex una parte et abbatem et conventum de Stanlege ex altera mediantibus decano de Cycestr et decano de Luvintone et magistro Willelmo Kaynesham canonico Cicestrensi judicibus a domino papa delegatis olim facta per omnia nisi quantum ad articulos hic expressos in suo robore perpetuis temporibus duratura una cum compositione praesenti Hanc autem praescriptam compositionern amicabilem venerabilis pater R episcopus et decanus et capitulum Sarum ratam in perpetuum et gratam habentes ut firmitatis perpetuae robur obtineat una cum sigillis partium huic scripto tripliciter confecto signa sua apposuerunt Actum anno gratiae mccxxxvii