Charter Document - 00640217
Charter Number: 00640217
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Memorandum
Date: 1238
Date Type: Internal, A.D.
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Memorandum
Date: 1238
Date Type: Internal, A.D.
View Map
Charter:
Memorandum quod cum inter dominum Robertum Sarum episcopum ex parte una et Henricum abbatem et conventum Scyreburne ex altera super amerciamentis provenientibus de pane et cerevisia venditis contra assisam de hominibus predicti abbatis infra libertates predicti episcopi existentibus in hundredis de Syreburne et de Bemenistre discordia fuisset suscitata asserente episcopo prefato hujusmodi amerciamenta ad jus suum pertinere et se et predecessores suos in eorum seisina diu et in pace extitisse predicto abbate penitus contrarium asserente tandem mediantibus discretis viris domino Roberto decano et capitulo Sarum inter partes hujusmodi amicabilis compositio intercessit videlicet quod prenominato episcopo pro se et successoribus suis de assensu capituli Sarum omnis amerciamenta de pane et cerevisia contra assisam venditis et de cerevisia male braciata de omnibus hominibus in terris et feudis predicti abbatis infra hundreda predicta existentibus jus petitionem et saisinam si quam habuit dicto Henrico abbati et successoribus suis futuris et perpetuis temporibus remittente et quieta clamante idem abbas promisit et se et successores suos per cartam suam et conventus sui obligavit quod pro hac remissione et quieta clamatione predicto episcopo et successoribus suis dimidiam marcam annuam ad Pascha in perpetuum persolvet apud Syreburne Et ut hec compositio futuris et perpetuis temporibus rata et stabilis perseveret confecta sunt inde inter partes duo scripta quorum unum signatum sigillis predictorum episcopi et capituli penes predictos abbatem et conventum in perpetuum remanebit et aliud signatum sigillo abbatis et conventus penes dictum episcopum et capitulum in perpetuum remanebit His testibus dominis Roberto decano Rogero precentore Ada cancellario Johanne thesaurario Sarum Egidio archidiacono Berksyre Stephano archidiacono Wilthesyre Hugone abbate Abbedesbire Henrico de Sancto Edmund Willelmo de Cambe Ricardo de Cnolle Petro de Cumbe et aliis Datum apud Syreburne per manus Henrici Isumberd monachi xvi Kalend Septembris anno gratie mccxxxviii
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
