Charter Document - 00640219

Omnibus Christi fidelibus ad quos praesens scriptum pervenerit h[enricus] Dei gratia abbas Syreburne et ejusdem loci conventus salutem in Vero Salutari Cum olim inter bonae memoriae dominum Hubertum Sarum episcopum et ejusdem loci capitulum ex una parte et Willelmum abbatem Syreburne et ejusdem loci conventum ex altera quaedam compositio esset confecta videlicet quod dicti abbas et conventus unanimi voluntate dederunt et concesserunt dicto domino Huberto Sarum episcopo et successoribus suis et ecclesiae Sarum ecclesias de Lim et Halgestok in perpetuum cum omnibus pertinentiis suis et advocatione et omni alio jure quod in eis habuerunt ad faciendam de eis unam praebendam in ecclesia Sarum in honorem Dei et gloriosae Virginis dictus vero dominus Hubertus Sarum episcopus et capitulum concesserunt dicto Willelmo abbati et conventui Syreburne ut liceret eis omnes fructus et utilitates ecclesiarum de Stapelbryge et Stokes in usus proprios convertere cum eas primo vacare contigeret ut scripta inter dominum episcopum et capitulum Sarum ex una parte et dictum abbatem et conventum Syreburne ex altera confecta testantur et nos per dictam compositionem dictas ecclesias de Stapelbryge et de Stokes [ut] in usus nostros proprios converterentur de jure petere possemus ob reverentiam ac etiam ad instantiam venerabilis patris nostri domini Roberti Sarum episcopi et ejusdem loci capituli omne jus quod in dictis ecclesiis per dictam compositionem vendicare possemus resignamus salva nobis advocationibus dictarum ecclesiarum et decem marcis quas annuatim de ecclesia de Stapelbrige percipimus et sex marcis et uno sextario mellis at duabus garbis decimarum dominici Alexandri quondam de Laverstok quae de ecclesia Stoke annuatim percipimus In hujus autem nostrae resignationis testimonium huic praesenti scripto sigilla nostra apposuimus Acta anno gratie MCCXXXVIII ix kalend Septemb in capitulo Salesbir