Charter Document - 00640251

Universis sanctae matris ecclesiae filiis praesentes literas inspecturis Robertus divina miseratione Sarum ecclesiae minister humilis salutem in Domino Si de statu ecclesiae nostrae Sarum cui licet immeriti praesidemus cogitantes non solum necessitates ejus levigare verum etiam ipsius incrementa prospicere ut valemus non ut vellemus satagamus et debitum officii nostro persolvimus et laudabilem prosequimur actionem praesertim cum in officiis caritatis illis praecipue teneamur obnoxii a quibus praecipua beneficia dinoscimur percepisse Sane cum dilecti filii r[obertus] decanus et capitulum Sarum ecclesiam de Flete prior vero et conventus Christi Ecclesiae de Twynham ecclesiae de Stures et de Burgestok in quibus jus patronatus obtinebant dispositioni et ordinationi nostrae simpliciter et absolute duxerint supponendas ut nobis secundum nostrae voluntatis arbitrium disponere et ordinare liceat de eisdem fructus earum in usus cujuscunque personae vel collegii vel alias in quoscunque pios usus libere convertendo prout instrumentis eorum super hoc confectis plenius prospicitur contineri Nos de dictis ecclesiis capituli nostri Sarum et g[erardi] tunc archidiaconi Dorsetiae interveniente assensu ordinavimus in hunc modum videlicet quod ecclesia de Sture cum omnibus suis pertinentiis a jurisdictione episcopali at archidiaconali ordinaria at extraordinaria penitus at in perpetuum libera at exempta in usus communae capituli nostri Sarum ecclesia de Flete consimili libertate et exemptione in usus canonicorum Christi Ecclesiae de Twynham quos hospitalitatis gratia intelleximus domus fecit insignes ecclesia vero de Burgestok cum consimili libertate at exemptione in sustentationem majoris pontis Sarum cedere debeant in futurum Ita quod eisdem ecclesiis honeste at competenter deserviatur et animarum cura nullatenus negligatur In recompensationem damnorum quae ex ordinatione praesenti praedicto archidiacono at successoribus suis imminebunt praedicti prior et conventus unam marcam argenti annuam pro archidiaconalibus quae de dictis ecclesiis possent provenire eidem archidiacono et successoribus suis infra octabas Sancti Michaelis in Septembre sub poena dimidiae marcae per manus ballivi ipsorum apud Pideleton temporibus perpetuis persolvent Ita quod si dictis loco et termino in solutione dictae marcae cessaverint liceat loci praedicti archidiacono vel ejus officialibus et suis successoribus dictam marcam cum dicta poena de bonis ecclesiae de Pideleton sibi deducere omni privilegio cavillatione et juris remedio quae dictam solutionem impedire vel retardare possint cessantibus quibus dicti prior at conventus renunciarunt expresse In cujus rei fidem robur at testimonium tria instrumenta sub eodem tenore fieri fecimus quorum unum tam nostro quam praedictorum prioris et conventus et archidiaconi sigillis signatum penes capitulum Sarum et alterum tam nostro quam capituli necnon at archidiaconi sigillis signatum penes praedictos priorem at conventum tertium vero tam nostro quam capituli [sigillis] una cum sigillo dicti prioris at conventus signatum penes praefatum archidiaconum residebunt His testibus domino Egidio archidiacono Berckscyre Thoma de la Wile senescallo nostro magistris Ricardo de Bynham Rogero de la Grene Roberto de Wichampton canonicis Sarum Roberto de Beuuer capellano Henrico de Schireburn sen[escallo p] Willelmo de Castello Gaufrido de Catesford clericis nostris at aliis Datum apud Sarum xiii kal Maii anno Domini MCCXLV