Charter Document - 00640255

Universis sanctae matris ecclesiae Dei filiis ad quos praesentis scripti notitia pervenerit Robertus miseratione divina Sarum ecclesiae minister humilis salutem in Domino Jesu Christo cum amplexu devotionis sincerae Nostrae sollicitudinis suadet officium ut ad pia loca quae ad Nicholas divini cultus venerationem hospitalitatis gratia sunt statuta et ad usus frequenter necessarios populorum pios protectionis oculos erigamus Ad hujusmodi quorum opera caritatis alios invitare tenemur non solum exhortatione sermonum sed exemplo operis cum effectu Sane cum in civitate nostra Sarum hospitale Sancti Nicholai juxta pontem majorem ad recipiendum et sustentandum pauperes laudabiliter sit fundatum et supra dictum pontem capella Sancti Johannis Baptistae divino in eadem instituto servitio sit erecta nos attendentes utramque fundationem cultui complacere divino de voluntate et assensu domini Roberti decani et capituli nostri Sarum ad sustentationem dicti hospitalis et conservationem dictae capellae et pontis quorum quidem hospitalis et capellae idem decanus et capitulum patroni existant quasdem res et possessiones divines contulimus intuitu caritatis quaedam vero bona ab aliis collata eisdem pontificali auctoritate liberaliter confirmamus Quae quidem certis duximus vocabulis exprimenda ecclesiam videlicet de Wivelesford dudum collatam eisdem salva vicaria taxata in eadem et ecclesiam de Burhestok cum suis pertinentiis universis pensionem quoque quinque marcarum de ecclesia de Ansteya percipiendam annuatim ab Hospitalariis ibidem commorantibus ad festum Sancti Michaelis et ad Pascha pro aequalibus portionibus et pensionem triginta solidorum annuatim percipiendam de prioratu de Farlegh videlicet ad festum Sancti Michaelis decem solidos ad Annunciationem beatae Mariae decem solidos ad festum Sancti Johannis Baptistae decem solidos quae adquisivimus dictis hospitali et ponti et ad usus ipsorum rata habemus Eadem vero auctoritate et eorundem interveniente assensu concessimus et confirmamus dictis hospitali et ponti decem marcas annuas percipiendas de molendinis nostris in civitate nostra Sarum per manum ballivi nostri ad Pascha [et] ad festum Sancti Michaelis pro aequalibus portionibus duratura praestatione praedicta quo usque per nos vel successores nostros dictis hospitali et ponti in tanto redditu annuatim provisum fuerit certo loco Praeterea quinquaginta et duos solidos a dictis decano et capitulo ad Natale Domini ad Pascha ad festum Sancti Johannis Baptistae et ad festum Sancti Michaelis pro aequalibus portionibus annuatim percipiendos de una hyda terrae in villa de Stratford Ad haec concessimus et confirmamus eisdem xl acras de terra nostra in circuitu hospitalis ut tenentes habeant ibi et redditus recipiant de eisdem in temporalibus et spiritualibus pleno jure De mansiono magistri Adae de Essebi quondam cancellarii Sarum xx solidos a quocunque qui dictum mansum tenuerit custos hospitalis et pontis recipiet annuatim ad festum Sancti Michaelis et ad Pascha pro aequalibus portionibus Hoc autem praestare cavebit ante ipsius ingressum coram decano et capitulo quicunque futuris temporibus praedictum mansum tenere voluerit Ad haec concessimus et confirmamus praedicto hospitali et ponti terram quae fuit Ricardi filii Aucher quae jacet versus Fissertone Insuper et totum redditum in civitate Sarum qui dudum fuit Petri Hurel percipiendum ad quatuor anni terminos principales Item mansum juxta vetus hospitale versus aquilonem salvo nobis antiquo redditu nobis debito de eodem Item octo solidos de tenemento quod tenet Nicholaus de Len in magna strata Haec autem praedicta per manum custodis dictorum hospitalis et pontis recipiantur et procurentur [et] in proprios usus hospitalis et pontis integraliter convertantur quo magis et melius possit hospitalitas sustentari et capella Sancti Johannis cum pontis refectione in posterum procurari In hujus rei testimonium et robur perpetuum praesens scriptum nostro et capituli nostri sigillis fecimus communiri His testibus domino Roberto decano Sarum magistro Radulfo de Hecham cancellario domino Henrico thesaurario domino Nicholao subdecano Rogero succentore magistro Radulfo de Eboraco magistro Roberto de Carvill tunc ofiiciali nostro magistro Ricardo de Benham magistro Rogero de la Grene Waltero de la Wile Roberto Foliot Roberto de W ichamtone cauonicis Sarum et aliis Datum secundo idus Octobris anno Domini mcc quadragesimo quinto