Charter Document - 00640259
Charter Number: 00640259
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Agreement, Settlement
Date: 1246
Date Type: Internal, A.D.
View Map
Cartulary Title: Charters and Documents Illustrating the Cathedral, City and Diocese of Salisbury
Charter Language: Latin
Charter Origin: Religious
Charter Type(s): Agreement, Settlement
Date: 1246
Date Type: Internal, A.D.
View Map
Charter:
Cum dominus Herbertus canonicus Sarum rector ecclesie de Bedewinde traxisset in causam magistrum ordinis de Sempringham et priorem sancte Margarete de Merleberge ejusdem ordinis coram magistro Roberto de Careville tunc domini Sarum officiali petendo ab eisdem quasdam decimas scilicet majores et minores pro duabus portionibus de dominico domini Johannis de Neville in Graftona exceptis duabus acris de frumento quas ipse integre percipit de dicto dominico quas quidem decimas dictus Herbertus infra limites parochie sue de Bedewinde sitas asseveravit iccirco easdem nomine ecclesie sue vendicavit tandem lis inter eos mota de consensu partium et memorati officialis amicabili compositione in hunc modum conquievit anno Domini mccxlv scilicet quod predictus Herbertus rector predicte ecclesie de Bedwynde petitionem suam super decimis predictis tam majoribus quam minoribus institutam pro se et pro ecclesia sua de consensu episcopi et capituli Sarum in perpetuum funditus remisit et dictus prior Sancte Margarete et ceteri priores qui pro tempore fuerint ibidem pro bono pacis matrici ecclesie de Bedewinde duos solidos annuos in perpetuum in festo Nativitatis beati Johannis Baptiste sine aliqua contradictione persolvent Et si aliquis dictorum priorum sancte Margarete de Merleberge a solutione dictorum duorum solidorum in termino predicto cessaverit licebit rectori ecclesie de Bedewinde qui pro tempore fuerit dictum priorem de Merleberge et ceteros priores qui pro tempore fuerint ibidem per sequestrationem dictarum decimarum usque ad plenam solutionem dictorum duorum solidorum sine contradictione compellere Ut autem hec compositio in perpetuum maneat et stabilis et realis censeatur dictus magister ordinis de Sempringham sigilli sui impressione una cum impressione sigilli domus sancte Margarete de Merleberge ejusdem ordinis presentem paginam dignum duxerint corroborandam Datum apud Sempringham anno Domini mccxlvi mense Junio Teste Deo et capitulo de Sempringham
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
